ମହାରାଷ୍ଟ୍ର ସରକାରଙ୍କ ନିଷ୍ପତ୍ତି, ରେଡ୍ ଜୋନରେ ଆଜିଠୁ ଖୋଲିବ ଦୋକାନ

ମହାରାଷ୍ଟ୍ର ହେଉଛି କୋରୋନା ସଙ୍କଟରେ ସର୍ବାଧିକ ପ୍ରଭାବିତ ହୋଇଥିବା ରାଜ୍ୟ । ରାଜ୍ୟରେ କ୍ରମାଗତ ଭାବେ କୋରୋନା ସଂକ୍ରମଣ ମାମଲା ବୃଦ୍ଧି ପାଉଛି। ଅନ୍ୟପକ୍ଷେ ରେଡ୍ ଜୋନରେ ଦୋକାନ ମଧ୍ୟ ଖୋଲା ରହିବ ବୋଲି ମହାରାଷ୍ଟ୍ର ସରକାର ନିଷ୍ପତ୍ତି ନେଇଛନ୍ତି।

ମୁମ୍ବାଇ: ମହାରାଷ୍ଟ୍ର ହେଉଛି କୋରୋନା ସଙ୍କଟରେ ସର୍ବାଧିକ ପ୍ରଭାବିତ ହୋଇଥିବା ରାଜ୍ୟ । ରାଜ୍ୟରେ କ୍ରମାଗତ ଭାବେ କୋରୋନା ସଂକ୍ରମଣ ମାମଲା ବୃଦ୍ଧି ପାଉଛି। ଅନ୍ୟପକ୍ଷେ ରେଡ୍ ଜୋନରେ ଦୋକାନ ମଧ୍ୟ ଖୋଲା ରହିବ ବୋଲି ମହାରାଷ୍ଟ୍ର ସରକାର ନିଷ୍ପତ୍ତି ନେଇଛନ୍ତି। କେବଳ କଣ୍ଟେନମେଣ୍ଟ ଜୋନରେ ବସ ସେବାରେ ପ୍ରତିବନ୍ଧକ ରହିବ । ଏହି ଆଦେଶ ଆଜି(ସୋମବାର) ଠାରୁ ଲାଗୁ ହେବ ।

ମହାରାଷ୍ଟ୍ରରେ ବହୁ ପରିମାଣରେ କଣ୍ଟେନମେଣ୍ଟ ଏବଂ ହଟସ୍ପଟ୍ ଜୋନ୍ ସୃଷ୍ଟି କରାଯାଇଛି । ଏଭଳି ଦିଗରେ କେବଳ ରେଡ୍, ଅରେଞ୍ଜ ଏବଂ ଗ୍ରୀନ୍ ଜୋନରେ ଦୋକାନ ଖୋଲିବାକୁ ନିର୍ଦ୍ଦେଶ ଦିଆଯାଇଛି। ଦିନକୁ ଦିନ ବଢୁଥିବା କୋରୋନା ସଂକ୍ରମଣ ଦେଶର ଚିନ୍ତା ବଢାଇ ଦେଇଛି।

ନିର୍ଦ୍ଦିଷ୍ଟ ସର୍ତ୍ତ ସହ MMR ଓ PMR ଅଞ୍ଚଳରେ ଦୋକାନ ଖୋଲାଯିବ । ମଲ୍ ଓ ପ୍ଲାଜା ଆଦି ଖୋଲିବାକୁ ଅନୁମତି ଦିଆଯିବ ନାହିଁ । ପ୍ରତ୍ୟେକ ଗଳିରେ କେବଳ 5 ଟି ଅତ୍ୟାବଶ୍ୟକ ଦ୍ରବ୍ୟର ଦୋକାନ ଖୋଲା ରହିବ । ସମସ୍ତ ଦୋକାନରେ ସାମାଜିକ ଦୂରତା ଅନୁସରଣ କରିବା ବାଧ୍ୟତାମୂଳକ । ମଦ ଦୋକାନ ଖୋଲା ରହିବ କିନ୍ତୁ ମଲ୍ କି ରେଷ୍ଟୁରାଣ୍ଟ ନୁହେଁ । ସେଲୁନ୍ ଦୋକାନ ଗୁଡିକରେ ପ୍ରତିବନ୍ଧକ ଲାଗୁ ହେବ । ଦୋକାନ ଖୋଲିବାର ସମୟ ସ୍ଥାନୀୟ ପ୍ରଶାସନ ସ୍ଥିର କରିବ। ସାମ୍ପ୍ରତିକ ପରିସ୍ଥିତିକୁ ଦେଖି ପ୍ରଶାସନ ନିଷ୍ପତ୍ତି ନେବ।