ମୁମ୍ବାଇ : ଗୁରୁବାର ହରିୟାଣା ଓ ମହାରାଷ୍ଟ୍ର ବିଧାନସଭା ଭୋଟ ଗଣତି ଜାରି ରହିଛି । ଏହାସହ ଘଡି କୁ ଘଡି ରେଜଲ୍ଟ ପ୍ରକାଶ ପାଉଛି । ବିଜୟ ଓ ପରାଜୟ ଘୋଷଣା ଜାରି ରହିଛି । ହେଭିୱେଟ୍ ଆସନ ଉପରେ ସମସ୍ତଙ୍କ ନଜର ରହିଛି। ଏପରି ସ୍ଥଳେ ଶିବସେନା ପ୍ରମୁଖ ଉଦ୍ଧବ ଠାକରେଙ୍କ ପୁଅ ଆଦିତ୍ୟ ଠାକରେ ବିଜୟ ଲାଭ କରିଛନ୍ତି । ସେ ୱର୍ଲି ଆସନରୁ ଜିତିଛନ୍ତି ।
ଶିବସେନାର ଶିରୋମଣି ଆଦିତ୍ୟ, ଠାକରେ ପରିବାରର ପ୍ରଥମ ସଦସ୍ୟ ଯିଏ କି ନିର୍ବାଚନ ମୈଦାନକୁ ଓହ୍ଲାଇଥିଲେ। ଏହାସହ ବିଜୟ ମୁକୁଟ ମଧ୍ୟ ପିନ୍ଧିଛନ୍ତି ଶିବସେନାର ଭବିଷ୍ୟତ ଉତ୍ତରାଧିକାରୀ । ଦୀର୍ଘ 53 ବର୍ଷ ପରେ ଠାକରେ ପରିବାର ପ୍ରତ୍ୟେକ୍ଷ ନିର୍ବାଚନ ମୈଦାନକୁ ଓହ୍ଲାଇଥିଲା । ଆଦିତ୍ୟଙ୍କ ବିଜୟ ପରେ ଶିବସେନା ସୁପ୍ରିମୋ ଉଦ୍ଧବ ଠାକରେ ପୁଅର ବିଜୟ ପାଇଁ ଗର୍ବିତ ବୋଲି କହିଛନ୍ତି ।