ରାଞ୍ଚି: ଝାଡଖଣ୍ଡ ମୁକ୍ତି ମୋର୍ଚ୍ଚା ମୁଖ୍ୟ ତଥା ରାଜ୍ୟସଭା ସାଂସଦ ଶିବୁ ସୋରେନଙ୍କ ସ୍ବାସ୍ଥ୍ୟବସ୍ଥାରେ ଅବନତି ଘଟୁଛି । କରୋନା ପଜିଟିଭ ସହ ଅସୁସ୍ଥତା ଅନୁଭବ କରିବାରୁ ଶିବୁ ସୋରେନଙ୍କୁ ରାଞ୍ଚି ସ୍ଥିତ ମେଦାନ୍ତ ହସ୍ପିଟାଲରେ ଭର୍ତ୍ତୀ କରାଯାଇଥିଲା । ସ୍ବାସ୍ଥ୍ୟବସ୍ଥା ଉନ୍ନତି ନଆସିବାରୁ ଆଜି ( ମଙ୍ଗଳବାର) ତାଙ୍କୁ ଗୁରୁଗ୍ରାମ ସ୍ଥିତ ମେଦାନ୍ତ ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
ଶିବୁ ସୋରେନଙ୍କୁ ଗୁରୁଗ୍ରାମ ମେଦାନ୍ତ ହସ୍ପିଟାଲ ସ୍ଥାନାନ୍ତର
ରାଞ୍ଚି ବୋକାରୋ ରେଳ ଷ୍ଟେସନରୁ ରାଜଧାନୀ ଏକ୍ସପ୍ରେସରେ ବ୍ୟବସ୍ଥିତ ଏକ ସ୍ବତନ୍ତ୍ର ଆମ୍ବୁଲାନ୍ସ କ୍ୟାବିନରେ ଶିବୁ ସୋରେନଙ୍କୁ ଗୁରୁଗ୍ରାମ ସ୍ଥାନାନ୍ତରିତ କରାଯାଇଛି ।
ଶିବୁ ସୋରେନ କରୋନା ପଜିଟିଭ ହେବାପରେ ତାଙ୍କୁ ତୁରନ୍ତ ରାଞ୍ଚି ମେଦାନ୍ତ ହସ୍ପଟିଲାରେ ଭର୍ତ୍ତୀ କରାଯାଇଥିଲା । ସେଠାରେ ତାଙ୍କର ଅନ୍ୟ ସ୍ବାସ୍ଥ୍ୟ ସମସ୍ୟା ଦେଖାଯିବା ସହ ସ୍ଥିତି ସଂକଟ ହେବାକୁ ଲାଗିଥିଲା । ଫଳରେ କୌଣସି ରିକ୍ସ ନନେଇ ଡାକ୍ତରଙ୍କ ପରାମର୍ଶରେ ତାଙ୍କୁ ଗୁରୁଗ୍ରାମ ମେଦାନ୍ତକୁ ସ୍ଥାନାନ୍ତରିତ କରାଯାଇଛି ।