କଂଗ୍ରେସର ମୁଖପାତ୍ର ରଣଦୀପ ସୁରଜେୱାଲାଙ୍କ ପିତୃ ବିୟୋଗ

ସୋମବାର ସକାଳେ କଂଗ୍ରେସର ମୁଖପାତ୍ର ରଣଦୀୟ ସୁରଜେୱାଲାଙ୍କ ପିତୃ ବିୟୋଗ ହୋଇଛି । ଦୀର୍ଘ ଦିନର ଅସୁସ୍ଥତା ପରେ ପରେ ସୋମବାର ରଣଦୀପଙ୍କ ପିତା ସମଶେର ସିଂହ ସୁରଜେୱାଲାଙ୍କ ନିଧନ ହୋଇଛି । ଅଧିକ ପଢନ୍ତୁ...

ଚଣ୍ଡିଗଡ: ସୋମବାର ସକାଳେ କଂଗ୍ରେସର ମୁଖପାତ୍ର ରଣଦୀୟ ସୁରଜେୱାଲାଙ୍କ ପିତୃ ବିୟୋଗ ହୋଇଛି । ଦୀର୍ଘ ଦିନର ଅସୁସ୍ଥତା ପରେ ପରେ ଆଜି ରଣଦୀପଙ୍କ ପିତା ସମଶେର ସିଂହ ସୁରଜେୱାଲାଙ୍କ ନିଧନ ହୋଇଛି ।

ସୂଚନା ଅନୁସାରେ ବିଗତ ତିନି ଦିନ ହେବ ସମଶେର ସିଂହ ଏମ୍ସରେ ଚିକିତ୍ସିତ ହେଉଥିଲେ। ସେଠାରେ ଆଜି ସେ ଶେଷ ନିଶ୍ବାସ ତ୍ୟାଗ କରିଛନ୍ତି । ସୁରଜେୱାଲାଙ୍କ ପିତାଙ୍କ ନିଧନ ଖବର ପାଇଁ ଏମ୍ସରେ ପହଞ୍ଚିଛନ୍ତି କଂଗ୍ରେସ ସାଂସଦ ରାହୁଲ ଗାନ୍ଧୀ । ସୋମବାର ଅପରାହ୍ନ 3ଟାରେ ସମଶେର ସିଂହ ସୁରଜେୱାଲାଙ୍କ ଅନ୍ତିମ ସଂସ୍କାର ନରୱାନା ଠାରେ ହେବ ।

ସମଶେର ସିଂହ ସୁରଜେୱାଲା ହରିୟାଣା ପ୍ରଦେଶ କଂଗ୍ରେସ କମିଟିର ପୂର୍ବତନ ଅଧ୍ୟକ୍ଷ ଥିଲେ । ଏହାସହ ସେ 2005 ରୁ 2009 ପର୍ଯ୍ୟନ୍ତ କୈଥଲର ବିଧାୟକ ରହିଥିଲେ । ସମଶେର ସିଂହ ସୁରଜେୱାଲା 4 ଥର ମନ୍ତ୍ରୀ ପଦ ହାସଲ କରିଥିଲେ । ଏଥିସହ ଅଖିଳ ଭାରତୀୟ କିଷାନ ଖେତ କଂଗ୍ରେସର ରାଷ୍ଟ୍ରୀୟ ଅଧ୍ୟକ୍ଷ ଓ ରାଜ୍ୟସଭା ସଦସ୍ୟ ମଧ୍ୟ ରହିଥିଲେ ।