ଚଣ୍ଡିଗଡ: ଏଣିକି ଅମୃତସରରୁ ଫେରୁଥିବା ଭକ୍ତଙ୍କ ପାଇଁ ମାଗଣା ବସ ସେବା । ମଙ୍ଗଳବାର ପତକା ଦେଖାଇ ବସ ସେବାକୁ ଆନୁଷ୍ଠାନିକ ଭାବେ ଆରମ୍ଭ କରାଯାଇଛି । ଶିରୋମାନି ଗୁରୁଦ୍ବାର ପ୍ରବନ୍ଧନ କମିଟି (ଏସଜିପିସି) ପକ୍ଷରୁ କମିଟି ସଭାପତି ଗୋବିନ୍ଦ ସିଂ ଲଙ୍ଗୋୱାଲ ଏହି ବସ ସେବାକୁ ପତକା ଦେଖାଇ ଶୁଭାରମ୍ଭ କରିଥିଲେ । ଏହାଦ୍ବାରା ଭକ୍ତମାନେ ପାକିସ୍ତାନର କାରତାରପୁର ସାହେବ ଗୁରୁଦ୍ବାର, ମଧ୍ୟରେ ସୁବର୍ଣ୍ଣ ମନ୍ଦିର ଓ ଡେରା ବାବା ନାନକ ଭ୍ରମଣ କରିପାରିବେ ।
ଏହି ସେବା ଦର୍ଶନ ସାରି ଫେରୁଥିବା ଭକ୍ତମାନଙ୍କ ପାଇଁ ଥିବାବେଳେ ଭକ୍ତମାନେ ଡେରା ବାବା ନାନକଙ୍କୁ ସକାଳୁ ଶ୍ରଦ୍ଧାଞ୍ଜଳି ଦେବା ପରେ ପୁଣି ପଞ୍ଜାବର ହରମିନ୍ଦର ସାହେବକୁ ବସ ଯୋଗେ ଫେରିପାରିବେ । ସେହିଭଳି ଶ୍ରୀ ହରମାନନ୍ଦ ସାହିବରେ ଲଙ୍ଗର ସେବା କରୁଥିବା ଲୋକ ପାକିସ୍ତାନର ସବୁ ଗୁରୁଦ୍ବାରାରେ କିର୍ତ୍ତନ କରିବା ପାଇଁ ପାକିସ୍ତାନ ଗୁରୁଦ୍ବାରା କମିଟି ପକ୍ଷରୁ ଅନୁମତି ମିଳିଥିବା କହିଛନ୍ତି କମିଟି ସଭାପତି ଗୋବିନ୍ଦ ସିଂ ଲଙ୍ଗୋୱାଲ ।