ନୂଆଦିଲ୍ଲୀ: ଜ୍ୟୋତିରାଦିତ୍ୟ ସିନ୍ଧିଆଙ୍କ ବିଜେପିରେ ସାମିଲ ହେବାକୁ ନେଇ ବଡ ବୟାନ ଦେଇଛନ୍ତି ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ । ସିନ୍ଧିଆଙ୍କୁ ଟାର୍ଗେଟ କରି ରାହୁଲ କହିଛନ୍ତି ଯେ ଏହା ଏକ ବିଚାରଧାରାର ଲଢେଇ । ମୁଁ ଜ୍ୟୋତିରାଦିତ୍ୟ ସିନ୍ଧିଆଙ୍କୁ ଭଲଭାବେ ଜାଣିଛି । ତାଙ୍କ ସହ ମୋର ବନ୍ଧୁତ୍ବ ପୁରୁଣା । ଆମେ ଦୁଇ ଜଣ ଏକା ସହ କଲେଜରେ ପଢୁଥିଲୁ । ସେ ନିଜ ଭବିଷ୍ୟତକୁ ନେଇ ଭୟଭୀତ ଥିଲେ । ଏଥିପାଇଁ ସେ ନିଜ ବିଚାରଧାରାକୁ ପକେଟରେ ପୁରାଇ ରାଷ୍ଟ୍ରୀୟ ସ୍ବୟଂସେବକ ସଙ୍ଘ ସହ ଚାଲିଗଲେ । ବିଜେପିରେ ସିନ୍ଧିଆଙ୍କୁ ତାଙ୍କ ସମ୍ମାନ ମିଳିବ ନାହିଁ ବୋଲି ରାହୁଲ ନିଜ ପ୍ରତିକ୍ରିୟାରେ କହିଛନ୍ତି ।
'ବିଚାରଧାରାକୁ ପକେଟରେ ରଖି ଆରଏସଏସ ସହ ଚାଲିଗଲେ ସିନ୍ଧିଆ '