ଥିରୁବନନ୍ତିପୁରମ: କେରଳରୁ ସାମ୍ନାକୁ ଆସିଛି ଲଜ୍ୟାକର ଘଟଣା । ନିଜ ମା' ଙ୍କ ବନ୍ଧୁଙ୍କ ଦ୍ବାରା ଦୁଷ୍କର୍ମର ଶିକାର ହୋଇଛନ୍ତି ଜଣେ ଅଷ୍ଟମ ଶ୍ରେଣୀ ଛାତ୍ରୀ । ଏହି ଘଟଣା ଘଟିଛି କେରଳର କଦକ୍କଲ ଅଞ୍ଚଳର କୋଲାମ ଜିଲ୍ଲାରେ । ଦୀର୍ଘ 2 ବର୍ଷ ଧରି ସୈତାନ ଜଣକ ଛାତ୍ରୀଙ୍କୁ ଦୁଷ୍କର୍ମ କରିଆସୁଥିଲା ।
ଏହି ଘଟଣାରେ ଆଶିସ ନାମକ ଅଭିଯୁକ୍ତକୁ ପୋଲିସ ଗିରଫ କରିଛି । ଆଶିସ ସ୍ଥାନୀୟ କଦକ୍କଲ ଅଞ୍ଚଳର ହୋଇଥିବା ଜଣାପଡିଛି । ଅଭିଯୁକ୍ତ ଜଣକ ପାରିବାରିକ ଘନିଷ୍ଠତାର ଫାଇଦା ଉଠାଇ ଛାତ୍ରୀ ଜଣଙ୍କୁ ବାରମ୍ବାର ଦୁଷ୍କର୍ମ କରିଥିଲେ । ଛାତ୍ରୀଜଣକ ଏକ ଘରୋଇ ସ୍କୁଲ ହଷ୍ଟେଲରେ ରହି ପାଠ ପଢୁଥିବା ସମୟରେ ସେ ଖରାଛୁଟିରେ ଘରକୁ ବୁଲିବାକୁ ଆସିଥିଲେ । ଯାହାର ଅଭିଯୁକ୍ତ ଜଣକ ଖୁବ ଫାଇଦା ଉଠାଇ ଘରେ କେହି ନଥିବା ସମୟରେ ଛାତ୍ରୀଙ୍କୁ ଦୁଷ୍କର୍ମ କରିଥିଲେ ।
ତେବେ ଏନେଇ ସ୍କୁଲ ଶିକ୍ଷକ ଜଣକ ଜାଣିବା ପରେ ଚାଇଲ୍ଡ ଲାଇନକୁ ଏବାବଦରେ ଅବଗତ କରିଥିଲେ । ପରେ ଚାଇଲ୍ଡ ଲାଇନ ଥାନାରେ ଏକ ମାମଲା ରୁଜୁ କରିବା ପରେ କଦକ୍କଲ ପୋଲିସ ପୋକ୍ସ ଆକ୍ଟରେ ବିଭିନ୍ନ ଦଫା ଲଗାଇ ଆଶିସକୁ କୋର୍ଟ ଚାଲାଣ କରିଛି ।
