ନୂଆଦିଲ୍ଲୀ: ସିବିଏସଇ ଓ ଆଇସିଏସଇ ଦଶମ ଓ ଦ୍ବାଦଶ ପରୀକ୍ଷା ବାତିଲ ସମ୍ପର୍କରେ ସୁପ୍ରିମକୋର୍ଟ ସିବିଏସଇକୁ ଅନୁମତି ଦେଇଛନ୍ତି । ଏନେଇ ଏକ ବିଜ୍ଞପ୍ତି ଜାରି କରିବାକୁ ନିର୍ଦ୍ଦେଶ ଦେଇଛନ୍ତି । ସିବିଏସଇ ବୋର୍ଡ ପରୀକ୍ଷା ଚଳିତ ବର୍ଷ ଜୁଲାଇରେ ହେବାର ଥିଲା । ଜୁଲାଇ 15 ରେ ସିବିଏସଇ ଓ ଆଇସିଏସଇ ରେଜଲ୍ଟ 2020 ବାହାରିବ । ମହାମାରୀ କୋଭିଡ ପାଇଁ ପରୀକ୍ଷାକୁ ବାତିଲ କରାଯାଇଛି ।
ଏକ ବିକଳ୍ପ ମୂଲ୍ୟାଙ୍କନ ଯୋଜନା ଉପରେ ଫଳାଫଳ ବର୍ତ୍ତମାନ ଘୋଷଣା କରାଯିବ। ଦ୍ୱାଦଶ ଶ୍ରେଣୀର ଛାତ୍ରମାନେ ସେମାନଙ୍କର ମାର୍କ ବଢାଇବା ପାଇଁ ପରବର୍ତ୍ତୀ ସମୟରେ ପରୀକ୍ଷା ଦେଇପାରିବେ । ଯେଉଁମାନେ ଏହି ପରୀକ୍ଷା ଦେବେ ସେମାନଙ୍କ ମାର୍କ ବ୍ୟବହାର କରାଯିବ । ଏହା ତାଙ୍କର ଫାଇନାଲ ରେଜଲ୍ଟ ରହିବ ବୋଲି ସରକାରୀ ବିଜ୍ଞପ୍ତିରେ ସୂଚନା ଦେଇଛନ୍ତି ସିବିଏସଇ ପରୀକ୍ଷା ନିୟନ୍ତ୍ରକ ସନ୍ୟାମ ଭରଦ୍ୱାଜ ।