ଚଣ୍ଡିଗଡ: ହରିୟାଣା ଫରିଦାବାଦ ଜିଲ୍ଲା ଅନ୍ତର୍ଗତ ମୋହନା ଗାଁରେ ଭାରତୀୟ ଧୁମନ୍ତୁ ସପେରା ବିକାଶ ମହାସଂଘ ପକ୍ଷରୁ ରାଜ୍ୟସ୍ତରୀୟ ଓପନ ସାଂସ୍କୃତିକ ପ୍ରତିଯୋଗିତାର ଆୟୋଜନ କରାଯାଇଛି । ଏହି କାର୍ଯ୍ୟକ୍ରମରେ ଦେଶର କୋଣ ଅନୁକୋଣରୁ ଶତାଧିକ ସାପୁଆ କେଳାମାନେ ଭାଗ ନେଇଛନ୍ତି । ସେମାନେ ଏତେ ସୁନ୍ଦର ତୁମ୍ବା ଓ ବିନ ବଜାଉଛନ୍ତି ଯେ, ଲୋକେ ନାଚିବାକୁ ବାଧ୍ୟ ହେଉଛନ୍ତି ।
ଏହି କାର୍ଯ୍ୟକ୍ରମ ଆୟୋଜନର ଉଦ୍ଦେଶ୍ୟ ହେଉଛି ବହୂ ପୂର୍ବରୁ ସାପୁଆ କେଳାମାନେ ତୁମ୍ବା ଓ ବିନ ବଜାଇ ଯେପରି ନିଜର ପେଟ ପୋଷୁଥିଲେ ତାହାକୁ ଲୋକଙ୍କ ମଧ୍ୟରେ ଜୀବିତ ରଖିବା । ମୋଟାମୋଟି ଭାବେ କହିବାକୁ ଗଲେ ଏହି ସଂସ୍କୃତିକୁ ବିଲୋପ ହେବାରୁ ରକ୍ଷା କରିବା ଏହି କାର୍ଯ୍ୟକ୍ରମର ଉଦ୍ଦେଶ୍ୟ । ତେବେ ଆୟୋଜିତ ଏହି କାର୍ଯ୍ୟକ୍ରମରେ ସପେରା ଜାତିର ଶିକ୍ଷିତ ପିଲାମାନଙ୍କୁ ସମ୍ମାନିତ ମଧ୍ୟ କରାଯାଉଛି ।
ଭିଡିଓ ସୌଜନ୍ୟ: ବ୍ୟୁରୋ ରିପୋର୍ଟ, ଇଟିଭି ଭାରତ