ନୂଆଦିଲ୍ଲୀ: କୋରୋନା ବିରୋଧରେ ଲଢେଇ ରାଜନୈତିକ ନୁହେଁ, ଏହା ଜୀବନ ପାଇଁ ଯୁଦ୍ଧ ବୋଲି ଆଜି ରାଜ୍ୟସଭାରେ କୋଭିଡ୍କୁ ନେଇ ଚାଲିଥିବା ଆଲୋଚନା ସମୟରେ ଶିବସେନା ସାଂସଦ ସଞ୍ଜୟ ରାଉତ କହିଛନ୍ତି ।
ମହାରାଷ୍ଟ୍ରରେ ଅଧିକ ସଂଖ୍ୟକ କୋରୋନା ଆକ୍ରାନ୍ତ ହେଉଥିବା ସ୍ବାସ୍ଥ୍ୟମନ୍ତ୍ରୀ କହିଥିବାବେଳେ ସଞ୍ଜୟ ରାଉତ ଏପରି ମନ୍ତବ୍ୟ ରଖିଛନ୍ତି । ରାଜ୍ୟସଭାରେ ସେ କହିଛନ୍ତି,‘ ମୋ ମା ଓ ଭାଇ କୋଭିଡ୍ ସଂକ୍ରମଣ ହୋଇଛନ୍ତି । ମହାରାଷ୍ଟ୍ରର ଅନେକ ଲୋକ ସୁସ୍ଥ ମଧ୍ୟ ହୋଇଛନ୍ତି । ବର୍ତ୍ତମାନ ଧରାବୀ ବସ୍ତି ଆୟତ୍ତରେ ରହିଛି । WHO ବିଏମସିର ଏହି କାର୍ଯ୍ୟକୁ ପ୍ରଶଂସା କରିଛି । ମୁଁ ଏହା କିଛି ସଦସ୍ୟ ମାନଙ୍କୁ କହିବାକୁ ଚାହୁଁଛି ଯେ କି ଗତକାଲି ମହାରାଷ୍ଟ୍ରରେ ଅଧିକ ସଂକ୍ରମଣ ବୋଲି କଟାକ୍ଷ କରୁଥିଲେ ।’