ହାଇଦ୍ରାବାଦ: ଦକ୍ଷିଣ କୋରିଆନ ଟେକ ଜାଏଣ୍ଟ ସାମସଙ୍ଗ ରବିବାର ଏକ ବଡ ଘୋଷଣା କରିଛି । ଏହି ଘୋଷଣା ମୁତାବକ କମ୍ପାନୀ ଜୁନ 8, ସୋମବାରରେ ଭାରତରେ ଲଞ୍ଚ କରିବାକୁ ଯାଉଛି ଗ୍ୟାଲାକ୍ସି ଟ୍ୟାବ ଏସ6 ଲାଇଟ ଟାବଲେଟ । ଏନେଇ ସମସ୍ତ ପ୍ରସ୍ତୁତି ପ୍ରକ୍ରିୟା ଶେଷ ହୋଇଛି ବୋଲି କମ୍ପାନୀ ପକ୍ଷରୁ ସୂଚନା ଦିଆଯାଇଛି । ନିଜ ଅଫିସିଆଲ ଟ୍ବିଟରେ #ଗ୍ୟାଲାକ୍ସିଟ୍ୟାବଏସ6ଲାଇଟ ନାମରେ ଟ୍ବିଟ କରିଛି ସାମସଙ୍ଗ ।
କେତେକ ବଜାରରେ ଏହା ଉପଲବ୍ଧ ଥିବା ବେଳେ ଏହାର ମୂଲ୍ୟ ଚୀନ ସହ ସମାନ ରହିବ । ଅର୍ଥାତ୍ ଏହି ଟ୍ୟାବର ମୂଲ୍ୟ ପ୍ରାୟ 30,000 ଟଙ୍କା ରହିବ । ଏନେଇ ଆମାଜନ ଇଣ୍ଡିଆ ଏକ ପେଜରେ ସ୍ବତନ୍ତ୍ର ଭାବେ ୟୁଜର୍ସଙ୍କୁ ସୂଚନା ଦେଇଛି । ଏଥିସହ ଟ୍ୟାବ ପାଇଁ ପ୍ରି-ଅର୍ଡର ମଧ୍ୟ ହୋଇସାରିଛି । ଯାହା ଭାରତୀୟଙ୍କର ଏହି ଟ୍ୟାବ ପ୍ରତି ଆକର୍ଷଣକୁ ସ୍ପଷ୍ଟ କରିଛି ।