ନୂଆଦିଲ୍ଲୀ: ଦିଲ୍ଲୀର ସାକେତ କୋର୍ଟ ଆଜି(ମଙ୍ଗଳବାର) ମୁଜାଫରପୁର ସେଲଟର ହୋମ ମାମଲାର 19 ଦୋଷୀଙ୍କ ବିରୋଧରେ ଦଣ୍ଡବିଧାନର ଶୁଣାଣି କରିପାରନ୍ତି ।
ଗତ ଜାନୁଆରୀ 28 ତାରିଖରେ ଏହାର ଶୁଣାଣି ହେବାକୁ ଥିବାବେଳେ ସାକେତ କୋର୍ଟ ଜଜ୍ ଛୁଟିରେ ଥିବାରୁ ଏହା ହୋଇପାରିନଥିଲା । ଜାନୁଆରୀ 20 ତାରିଖରେ କୋର୍ଟ ମୁଖ୍ୟ ଅଭିଯୁକ୍ତ ବ୍ରଜେଶ ଠାକୁରଙ୍କ ସମେତ 19 ଜଣଙ୍କୁ ଦୋଷୀ ସାବ୍ୟସ୍ତ କରିଥିଲେ।
ମୁଖ୍ୟ ଅଭିଯୁକ୍ତ ସମେତ ଅନ୍ୟ 10 ଜଣଙ୍କୁ ଗଣଦୁଷ୍କର୍ମ ମାମଲାରେ ଦୋଷୀ ସାବ୍ୟସ୍ତ ହୋଇଥିବାବେଳେ 9 ଜଣ ମହିଳାଙ୍କୁ ଅପରାଧିକ ଷଡଯନ୍ତ୍ର କରିବା ଲାଗି ଦୋଷୀ ଦର୍ଶାଇଥିଲେ କୋର୍ଟ । ଏହାସହ ଜଣଙ୍କୁ ପ୍ରମାଣ ଅଭାବରୁ ଦୋଷମୁକ୍ତ କରିଥିଲେ କୋର୍ଟ ।
ଗତବର୍ଷ ଫେବୃଆରୀ 25 ତାରିଖରୁ ଏହାର ଶୁଣାଣି ହୋଇଥିଲା। କୋର୍ଟ ଜାନୁଆରୀ 20 ତାରିଖରେ ସେମାନଙ୍କୁ ଦୋଷୀ ସାବ୍ୟସ୍ତ କରିବା ସହ, ସେମାନଙ୍କର ଦଣ୍ଡବିଧାନର ଶୁଣାଣି ହେବ ବୋଲି କହିଥିଲେ।
ବ୍ୟୁରୋ ରିପୋର୍ଟ, ଇଟିଭି ଭାରତ
