ନୂଆଦିଲ୍ଲୀ: ବିଜେପିରେ ଯୋଗ ଦେଲେ ଦେଶର ଷ୍ଟାର ବ୍ୟାଡମିଣ୍ଟନ ଖେଳାଳି ସାଇନା ନେହୱାଲ। ବ୍ୟାଡମିଣ୍ଟନ ଜଗତରେ ଆଧିପତ୍ୟ ବିସ୍ତାର କରିଥିବା ସାଇନା ନିଜର ରାଜନୈତିକ କ୍ୟାରିୟର ଆରମ୍ଭ କରିଛନ୍ତି। ସେ ବୁଧବାର ଔପଚାରିକ ରୂପେ ବିଜେପିର ସଦସ୍ୟତା ଗ୍ରହଣ କରିଛନ୍ତି। ସାଇନାଙ୍କ ସହ ତାଙ୍କ ଉଉଣୀ ଚନ୍ଦ୍ରାଶୁଂ ମଧ୍ୟ ଦଳରେ ସାମିଲ ହୋଇଛନ୍ତି। ଉଭୟେ ନୂଆଦିଲ୍ଲୀ ସ୍ଥିତ ବିଜେପି ମୁଖ୍ୟାଳୟରେ ଦଳର ଜାତୀୟ ସାଧାରଣ ସମ୍ପାଦକ ଡ.ଅରୁଣ ସିଂଙ୍କ ଉପସ୍ଥିତିରେ ବିଜେପିର ସାମିଲ ହୋଇଛନ୍ତି।
ସାଇନା ନେହୱାଲ
ବିଜେପିରେ ଯୋଗ ଦେବାପରେ ସାଇନା ଖୁସି ବ୍ୟକ୍ତ କରି କହିଛନ୍ତି, 'ଦେଶ ପାଇଁ ବଲ କାର୍ଯ୍ୟ କରୁଥିବା ଦଳରେ ମିଶି ମୁଁ ବହୁତ ଖୁସୀ । ପ୍ରଧାନମନ୍ତ୍ରୀ ମୋଦିଙ୍କଠାରୁ ମୋତେ ପ୍ରେରଣା ମିଳେ । ମୋଦି ଅନେକ ପରିଶ୍ରମ କରନ୍ତି, ତାଙ୍କ ସହ କାମ କରିବାକୁ ମୋତେ ସୁଯୋଗ ମିଳିଥିବାରୁ ମୁଁ ବହୁତ ଖୁସୀ । ମୋଦି ଖେଳକୁ ଅନେକ ପ୍ରତ୍ସାହନା ଦିଅନ୍ତି । ଖେଲୋ ଇଣ୍ଡିଆ କାର୍ଯ୍ୟକ୍ରମର ଶୁଭାରମ୍ଭ କରି ମୋଦି ବହୁତ ଭଲ କାମ କରିଛନ୍ତି ।'