ପୁଣି ତାଜମହଲ ପରିସରରେ ଉଡିଲା ଗେରୁଆ ପତାକା, ପଢା ହେଲା ଶିବ ଚାଳିଶା

ପୁଣି ଭାଇରାଲ ହେଲା ଆଗ୍ରାର ତାଜମହଲରେ ଗେରୁଆ ପତାକା ଉଡିବା ଭିଡିଓ । ଜଣଙ୍କୁ ହେପାଜତରେ ନେଲା ସିଆରପିଏଫ । ପଢନ୍ତୁ ଅଧିକ.....

ଲକ୍ଷ୍ନୌ: ପୁଣି ଭାଇରାଲ ହେଲା ଆଗ୍ରାର ତାଜମହଲରେ ଗେରୁଆ ପତାକା ଉଡିବା ଭିଡିଓ । ଭାଇରାଲ ଭିଡିଓରେ ଜଣେ ଯୁବକ ଗେରୁଆ ପତାକା ଉଡାଇବା ସହ ଶିବ ଚାଳିଶା ପାଠ କରୁଥିବା ଦେଖାଯାଉଛି । ଭାଇରାଲ ଭିଡିଓରେ ପତାକା ଉଡାଉଥିବା ଯୁବକ ଜଣଙ୍କ ବହୁ ଚର୍ଚ୍ଚିତ ହିନ୍ଦୁବାଦୀ ନେତା ଗୌରବ ଠାକୁର ବୋଲି ଜଣାପଡିଛି । ଗତ 5 ବର୍ଷ ମଧ୍ୟରେ ଏକାଧିକ ଥର ଏହିପରି ସମାନ ଧରଣର ଘଟଣା ସାମ୍ନାକୁ ଆସିଛି ।

ଚଳିତ ଥର ଏହି ଭିଡିଓ ଭାଇରାଲ ହେବା ପରେ ତାଜ ମହଲର ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନ ଉଠିବା ସହ ପତାକା ଉଡାଇଥିବା ବ୍ୟକ୍ତିକୁ ହେପାଜତକୁ ନେଇଛି ସିଆରପିଏଫ ।

ବ୍ୟୁରୋ ରିପୋର୍ଟ, ଇଟିଭି ଭାରତ