ଓସାକା: ଜି-20 ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଆମେରିକା ରାଷ୍ଟ୍ରପତି ଡୋନାଲ ଟ୍ରମ୍ପ ବିଭିନ୍ନ ପ୍ରସଙ୍ଗରେ ଆଲୋଚନା କରିଛନ୍ତି । ଦୁଇ ଦେଶ ମଧ୍ୟରେ ଥିବା ବିଭିନ୍ନ ପ୍ରସଙ୍ଗରେ ଖୋଲାଖୋଲି ଭାବେ ଚର୍ଚ୍ଚା କରିଥିଲେ ଉଭୟେ । ବାଣିଜ୍ୟ, ଇରାନ ସହ ତିକ୍ତତା, 5ଜି ଟେକ୍ନୋଲୋଜି, ପ୍ରତିରକ୍ଷା ଭଳି ବିଭିନ୍ନ ପ୍ରସଙ୍ଗରେ ଉଭୟଙ୍କ ମଧ୍ୟରେ ଆଲୋଚନା ହୋଇଥିବା ବେଳେ ଏସ-400 ମିସାଇଲ ପ୍ରସଙ୍ଗ ସ୍ଥାନ ପାଇନାହିଁ।
ଶୁକ୍ରବାର ମୋଦି ଓ ଟ୍ରମ୍ପଙ୍କ ମଧ୍ୟରେ ଅନୁଷ୍ଠିତ ହୋଇଛି ଦ୍ୱିପାକ୍ଷିକ ଆଲୋଚନା । ଦୁଇ ଦେଶ ମଧ୍ୟରେ ଥିବା ସମସ୍ତ ସମସ୍ୟା ଉପରେ ବିଚାର ବିମର୍ଶ କରାଯାଇଥିଲା । କିନ୍ତୁ ଭାରତ ରୁଷ ଠାରୁ କ୍ରୟ କରିବାକୁ ଯାଉଥିବା ପ୍ରତିରକ୍ଷା ମିସାଇଲ ଏସ-400 ଉପରେ କୌଣସି ଆଲୋଚନା ହୋଇନଥିବା କହିଛନ୍ତି ଭାରତୀୟ ବୈଦେଶିକ ମନ୍ତ୍ରୀ।