ନୂଆଦିଲ୍ଲୀ: ଏସ୍-୪୦୦ ଏୟାର୍ ଡିଫେନ୍ସ୍ ସିଷ୍ଟମ୍ କ୍ରୟକୁ ନେଇ ଭାରତ ପାଇଁ ବଡ ଖବର । ଭାରତ ଓ ଋଷ ମଧ୍ୟରେ ପାଞ୍ଚଟି ଏସ-୪୦୦ ମିସାଇଲ କିଣିବା ଉପରେ ହୋଇଥିବା ବୁଝାମଣା ସଠିକ ଦିଗରେ ଅଗ୍ରଗତି କରୁଛି । ଭାରତକୁ ପାଞ୍ଚ ଏସ-୪୦୦ ମିସାଇଲ ସଠିକ ସମୟରେ ଯୋଗାଇ ଦିଆଯିବ ବୋଲି କହିଛନ୍ତି ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ । ଏଥିପାଇଁ ଭାରତ ଋଷକୁ 85 କୋଟି ଡଲାର ପ୍ରଦାନ କରିଛି । ବ୍ରିକ୍ସରେ ପୁଟିନ ସାମ୍ବାଦିକଙ୍କୁ ଏନେଇ ସୂଚନା ଦେଇଛନ୍ତି ।
ରାଷ୍ଟ୍ରପତି ପୁଟିନ ବ୍ରକ୍ସରେ ଭାଗ ନେବା ପାଇଁ ବ୍ରାଜିଲ ଗସ୍ତରେ ଅଛନ୍ତି । ଏହି ସମ୍ମିଳନୀରେ ରାଷ୍ଟ୍ରପତି ପୁଟିନ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଧ୍ୟରେ ଏସ୍-400 ନେଇ ଆଲୋଚନା ହୋଇଥିଲା । ଏହାପରେ ଗୁରୁବାର ସାମ୍ବାଦିକଙ୍କୁ ସୂଚନା ଦେଇ ଭ୍ଲାଦିମିର ପୁଟିନ ଡିଲ୍ ମୁତାବକ ସଠିକ୍ ସମୟରେ ଭାରତକୁ ଏହି ମିସାଇଲ ଡିଫେନ୍ସ ସିଷ୍ଟମ ଯୋଗାଇଦିଆଯିବ ବୋଲି କହିଥିଲେ ।