ନୂଆଦିଲ୍ଲୀ: ମୋଦି ସରକାର ନୂତନ ଶିକ୍ଷା ନୀତିକୁ ଅନୁମୋଦନ କରିଛନ୍ତି। ନୂତନ ଶିକ୍ଷା ନୀତି ବିଷୟରେ ବର୍ଣ୍ଣନା କରି ପୂର୍ବତନ ଏଚଆରଡି ମନ୍ତ୍ରୀ ତଥା ବର୍ତ୍ତମାନର ପରିବେଶ ମନ୍ତ୍ରୀ ପ୍ରକାଶ ଜାଭଡେକର କହିଛନ୍ତି, ‘ରାଷ୍ଟ୍ରିୟ ସ୍ବୟଂସେବକ ସଂଗଠନ (ଆରଏସଏସ) ର ଆଦର୍ଶରେ ଭୁଲ କଣ ଅଛି । ଜଣେ ଭଲ ମଣିଷ ହେବା ଭୁଲ କି ?’
କେନ୍ଦ୍ର ମନ୍ତ୍ରୀ ଜାଭେଡକର କହିଛନ୍ତି ଯେ ନୂତନ ଶିକ୍ଷା ନୀତି ଭବିଷ୍ୟତରେ ସ୍କୁଲ ବ୍ୟାଗ ଗୁଡିକର ଭାରକୁ ହ୍ରାସ କରିବ। ଏହା ଦକ୍ଷତା ବୃଦ୍ଧି କରିବ ଓ ରୋଜଗାରର ସୁଯୋଗ ଯୋଗାଇବ । ଏକ ବିକଳ୍ପ ଭାବରେ ସ୍ଥାନୀୟ ଭାଷା ମଧ୍ୟ ଉପଲବ୍ଧ ହେବ । ଏହା ମାଧ୍ୟମରେ ଭାରତୀୟ ଭାଷା ଆଗକୁ ବଢିବ । ଘରୋଇ ବିଦ୍ୟାଳୟ ଗୁଡିକ କୌଣସି ଭାର ରହିବ ନାହିଁ ।
ନୂତନ ଶିକ୍ଷା ନୀତି ବିଷୟରେ ବର୍ଣ୍ଣନା କରି କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର କହିଛନ୍ତି ଯେ ସଂସଦର ସ୍ଥାୟୀ କମିଟି ସମ୍ମୁଖରେ ଏହି ବିଲ୍ 2 ଥର ଆଲୋଚନା ହୋଇଛି। ଏହା ସହ ସମସ୍ତ ସାଂସଦ ଓ ବ୍ଲକ-ପଞ୍ଚାୟତ ସ୍ତରରେ ବିଲ୍ ଡ୍ରାଫ୍ଟ ଉପରେ ଆଲୋଚନା କରାଯାଇଥିଲା। ସମସ୍ତଙ୍କଠାରୁ ମତାମତ ନେବା ପରେ ମୋଦି ସରକାର ଏହି ବିଲକୁ ଅନୁମୋଦନ କରିଛନ୍ତି।
ସେ ଏହା ମଧ୍ୟ କହିଛନ୍ତି ଯେ ଗ୍ରାମ ପଞ୍ଚାୟତର ସମସ୍ତ ଶିକ୍ଷାବିତଙ୍କ ସହ ପରାମର୍ଶ କରିବା ପରେ ହିଁ ନୂତନ ଶିକ୍ଷା ନୀତି ପ୍ରସ୍ତୁତ କରାଯାଇଛି। ସେ କହିଛନ୍ତି, ‘ଆରଏସଏସର ଆଦର୍ଶ କ’ଣ ? ଜାତୀୟ ସ୍ବାର୍ଥ ବିଷୟରେ କହିବା ଭୁଲ କି ? ସେ କ’ଣ ଚାହୁଁଛନ୍ତି ଯେ ଜାତୀୟ ବିରୋଧୀ ଶିକ୍ଷା ଦିଆଯାଉ ’ ।
ବୁଧବାର ମୋଦି ସରକାର ନୂତନ ଶିକ୍ଷା ନୀତି ଅନୁମୋଦନ କରିଛନ୍ତି। ପ୍ରାୟ 2 ଲକ୍ଷ ପରାମର୍ଶ ପରେ ଏକ ନୂତନ ଶିକ୍ଷା ନୀତି ପ୍ରସ୍ତୁତ କରାଯାଇଛି। ବର୍ତ୍ତମାନ 10 + 2 କୁ 5 + 3 + 3 + 4 ର ଏକ ଭିନ୍ନ ଫର୍ମାଟରେ ପରିବର୍ତ୍ତନ କରାଯାଇଛି । ସମସ୍ତ ଅନୁଷ୍ଠାନ ପାଇଁ ପ୍ରବେଶିକା ପରୀକ୍ଷା ହେବ । ଆଞ୍ଚଳିକ ଭାଷାରେ ଅନଲାଇନ୍ ପାଠ୍ୟକ୍ରମ ମଧ୍ୟ ରହିବ ।
