ରାଜନୀତିରେ ଆସିବାକୁ ପୁଣି ସଙ୍କେତ ଦେଲେ ରବର୍ଟ ଭଦ୍ରା

ରାଜନୀତିରେ ଓହ୍ଲାଇବା ନେଇ ସୋସିଆଲ ମିଡିଆ ସଙ୍କେତ ଦେଲେ ରବର୍ଟ ଭଦ୍ରା । ଜନତାଙ୍କ ଭଲପାଇବା ଦେଖି ମୁଁ ପ୍ରଭାବିତ ହୋଇଛନ୍ତି ଭଦ୍ରା । ତେଣୁ ଆଗାମୀ ଦିନରେ ବଡ ପ୍ଲାଟ୍‌ଫର୍ମରେ ସେମାନଙ୍କ ସେବା କରିବାକୁ ଚାହୁଁଚନ୍ତି ସେ ।

ନୂଆଦିଲ୍ଲୀ: କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ସ୍ବାମୀ ରୋବର୍ଟ ଭଦ୍ରା ରାଜନୀତିରେ ଓହ୍ଲାଇବାର ସଙ୍କେତ ପୁଣିଥରେ ଦେଇଛନ୍ତି । ସେ ରାଜନୀତିରେ ରହିବାକୁ ଚାହୁଁଥିବା ରବିବାର ସୋସିଆଲ ମିଡିଆ ଜରିଆରେ କହିଛନ୍ତି । ଦେଶର ବିକାଶରେ ସହାୟତା କରିବାକୁ ଇଚ୍ଛା ରଖିଥିବା ପ୍ରକାଶ କରିଛନ୍ତି ଭଦ୍ରା ।

ଫେସ୍‌ବୁକରେ ଏକ ପୋଷ୍ଟ କରି ରବର୍ଟ କହିଛନ୍ତି କି, ମୋ ପ୍ରତି ଜନତାଙ୍କ ଭଲପାଇବା ଦେଖି ମୁଁ ପ୍ରଭାବିତ ହୋଇଛି । ତେଣୁ ଆଗାମୀ ଦିନରେ ବଡ ପ୍ଲାଟ୍‌ଫର୍ମରେ ସେମାନଙ୍କ ସେବା କରିବାକୁ ଚାହେଁ ।

ଏହା ପୂର୍ବରୁ ଗାଜିଆବାଦ ଯୁବ କଂଗ୍ରେସ ପକ୍ଷରୁ ତାଙ୍କର ରାଜନୀତିକୁ ଓହ୍ଲାଇବାର ପୋଷ୍ଟର ଲଗାଯାଇଥିଲା । ସେଠାକାର ଯୁବ କଂଗ୍ରେସ ତାଙ୍କୁ ରାଜନୀତୀରେ ଯୋଗ ଦେବାକୁ ନିମନ୍ତ୍ରଣ କରିଥିଲେ । ସେ ରାଜନୀତିରେ ଖୁବ୍‌ ଶୀଘ୍ର ସକ୍ରିୟ ହେବେ ବୋଲି ଚର୍ଚ୍ଚା ହେଉଥିଲା । ତେବେ ରବର୍ଟ ଏହି ଖବରକୁ ମିଥ୍ୟା ବୋଲି କହି ଏଡାଇ ଦେଇଥିଲେ । ହେଲେ ସେ ରାଜନୀତିରେ ପ୍ରବେଶ କରିବାକୁ ପ୍ରୟାସ କରୁଥିବା ତାଙ୍କର ଏହି ପୋଷ୍ଟରୁ ଅନୁମାନ କରାଯାଉଛି ।