ରାଞ୍ଚି: ହିମାଚଳ ପ୍ରଦେଶର ଏଡିଜିପି ଦାୟିତ୍ବରେ ଥିବା ଆଇପିଏସ ଅଫିସର ଡ.ଅତୁଲ ବର୍ମାଙ୍କ ଝାଡଖଣ୍ଡ ଧାନବାଦସ୍ଥିତ ବାସଭବନକୁ ଅପରାଧିଙ୍କ ଟାର୍ଗେଟ । ବାସଭବନରେ ପଶି ବନ୍ଧୁକ ମୁନରେ ଲୁଟିନେଲେ ସମ୍ପତ୍ତି । ବାସଭବନ ସୁରକ୍ଷା ଦାୟିତ୍ବରେ ଥିବା ପୋଲିସ କର୍ମଚାରୀଙ୍କ ମୁଣ୍ଡରେ ବନ୍ଧୁକ ଲଗାଇ ତାଙ୍କୁ ବନ୍ଧକ ବନାଇ ଘର ଭିତରେ ପ୍ରବେଶ କରିଥିଲେ ଦୁର୍ବୁତ୍ତ । ଏହା ପରେ ଘରେ ଥିବା ବିଭିନ୍ନ ସମ୍ପତ୍ତି ଲୁଟ ପରେ ଫେରାର ହୋଇଯିବାରେ ସକ୍ଷମ ହୋଇଛନ୍ତି ଲୁଟେରା ।
ଅଧିକାରୀ ବର୍ମାଙ୍କ ପିତାଙ୍କ ବିୟୋଗ ପରେ ତାଙ୍କ ପତ୍ନୀ ଓ ସନ୍ତାନ ଅନ୍ୟତ୍ର ରହୁଥିବାବେଳେ ଘରେ କେହି ନଥିବାର ସୁଯୋଗ ନେଇ ଏପରି ଲୁଟ କରିବାରେ ସଫଳ ହୋଇଛନ୍ତି ର୍ଦୁବୃତ୍ତ । ଘଟଣା ସମ୍ପର୍କରେ ଖବର ପାଇବା ପରେ ସିଟି ଏସପି ଆର ରାଜକୁମାରଲ ଓ ଆଇନଶୃଙ୍ଖଳା ଦାଇତ୍ବରେ ଥିବା ଡିଏସପି ଘଟଣାର ଅଧିକ ତଦନ୍ତ ପାଇଁ ଘଟଣା ସ୍ଥଳରେ ପହଞ୍ଚିଥିବା ଜଣା ପଡିଛି । ଘଟଣା ବାବଦରେ ସମ୍ପୁର୍ଣ ତଥ୍ୟ ଜାଣିବା ପାଇଁ ଫରେନସିକ ଟିମ ସହ ଡଗ ସ୍କ୍ବାର୍ଡ ମଧ୍ୟ ଡକାଯାଇଛି । ଖୁବଶୀଘ୍ର ଘଟଣା ସମ୍ପର୍କରେ ଅଧିକ ତଥ୍ୟ ଜଣା ପଡିବା ସହ ଅଭିଯୁକ୍ତଙ୍କୁ ଧରିବାରେ ସଫଳ ହେବା ନେଇ ପୋଲିସ କହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
