ଲକ୍ଷ୍ନୌ: ଅବସରପ୍ରାପ୍ତ ସେନା ଅଧିକାରୀଙ୍କ ଜଘନ୍ୟ କାଣ୍ଡ । ବିଳମ୍ବିତ ରାତିରେ ଟିଭି ବନ୍ଦ କରିବାକୁ ମନା କରିବାରୁ ନିଜ 80ବର୍ଷୀୟ ବୃଦ୍ଧ ବାପାଙ୍କୁ ଗୁଳି କରି ହତ୍ୟା । ଗୁରୁବାର ଏଭଳି ଏକ ଛାତିଥରା ଘଟଣା ଘଟିଛି ଉତ୍ତରପ୍ରଦେଶ କାନପୁରର ନାସିରପୁର ଅଞ୍ଚଳରେ । ଅଭିଯୁକ୍ତ ସେନା ଅଧିକାରୀ ହେଉଛନ୍ତି ଅଶୋକ କଟିହର ।
ସୂଚନା ଅନୁଯାୟୀ, ଅଶୋକଙ୍କ ବାପା ଲାଲା ରାମ ଗତକାଲି(ଗୁରୁବାର) ବିଳମ୍ବିତ ରାତି ଯାଏଁ ଟିଭିରେ କୌଣସି କାର୍ଯ୍ୟକ୍ରମ ଦେଖୁଥିଲେ । ହେଲେ ଅଶୋକ ବିରକ୍ତ ହୋଇ ନିଜ ବାପାଙ୍କୁ ଟିଭି ବନ୍ଦ କରିବାକୁ କହିଥିଲେ । ଏନେଇ ଉଭୟଙ୍କ ମଧ୍ୟରେ ତୀବ୍ର ଯୁକ୍ତିତର୍କ ହୋଇଥିଲା । କଥା କଟାକଟି ମଧ୍ୟରେ ସେନା ଅଧିକାରୀ ଜଣକ ତାଙ୍କ ବାପାଙ୍କୁ ଠେଲି ଦେଇଥିଲେ ଏବଂ ପରେ ନିଜ ଲାଇସେନ୍ସପ୍ରାପ୍ତ ଡବଲ ବ୍ୟାରେଲ ବନ୍ଧୁକରୁ ବୃଦ୍ଧଙ୍କ ଉପରକୁ ଗୁଳି ଚଳାଇଥିଲେ । ଫଳରେ ଘଟଣାସ୍ଥଳରେ ବୃଦ୍ଧ ଜଣକ ଟଳି ପଡିଥିଲେ ।