ପୋଷ୍ଟାଲରେ ନୁହେଁ ବାଚସ୍ପତିଙ୍କ ନିକଟକୁ ଆସିଲେ ଗୃହୀତ ହେବ ଇସ୍ତଫା

ବିଧାୟକଙ୍କୁ ଇସ୍ତଫା ଦେବାକୁ ହେଲେ ମୋ ପାଖକୁ ଆସିବାକୁ ପଡିବ ବୋଲି କର୍ଣ୍ଣାଟକ ବିଧାନସଭା ବାଚସ୍ପତି ରେମେଶ କୁମାର କହିଛନ୍ତି। ସମ୍ବିଧାନିକ ଆଇନ ଅନୁସାରେ ଉଚିତ ନିଷ୍ପତ୍ତି ନିଆଯିବ ବୋଲି ଜଣାଇ ଦେଇଛନ୍ତି ସେ ।

ବେଙ୍ଗାଲୁରୁ: ରାଜ୍ୟରେ ଦେଖା ଦେଇଥିବା ରାଜନୈତିକ ସଙ୍କଟକୁ ପ୍ରତିକ୍ରିୟା ରଖିଛନ୍ତି କର୍ଣ୍ଣାଟକ ବିଧାନସଭା ବାଚସ୍ପତି ରମେଶ କୁମାର। ବର୍ତ୍ତମାନ ଯାଏଁ କୌଣସି ମଧ୍ୟ ବିଧାୟକ ଇସ୍ତଫା ପତ୍ର ଧରି ଆସି ନାହାନ୍ତି। ଯେଉଁ ବିଧାୟକ ଇସ୍ତଫା ଦେବାକୁ ଆଗ୍ରହୀ ସେ ମୋ ପାଖକୁ ଆସନ୍ତୁ ବୋଲି ସେ ଜଣାଇଛନ୍ତି ।

ଯଦି ପୋଷ୍ଟାଲ ସେବା ମାଧ୍ୟମରେ ଇସ୍ତଫା ଗୃହୀତ ହେବ ତାହାଲେ ବାଚସ୍ପତିଙ୍କ କାମ କଣ ବୋଲି ରମେଶ ପ୍ରତିକ୍ରିୟା ଦେଇଛନ୍ତି । ବିଧାୟକଙ୍କୁ ଇସ୍ତଫା ଦେବା ନେଇ ସମୟର କୌଣସି ପ୍ରତିବନ୍ଧ ନଥିବା ବେଳେ ସମ୍ବିଧାନ ଅନୁସାରେ ଉଚିତ ନିଷ୍ପତ୍ତି ନିଆଯିବ ବୋଲି ବାଚସ୍ପତି କହିଛନ୍ତି। ଅନ୍ୟପକ୍ଷରେ କଂଗ୍ରେସ ବିଧାୟକ ଦଳ ବୈଠକ ସରିଥିବା ବେଳେ ସରକାର ବଞ୍ଚିବ ବୋଲି ଆଶାବାଦୀ ଥିବା ନେଇ କର୍ଣ୍ଣାଟକ କଂଗ୍ରେସ ସଭାପତି ଦିନେଶ ଗୁଣ୍ଡୁ ରାଓ କହିଛନ୍ତି ।