ମୁମ୍ବାଇ: ସମଗ୍ର ଦେଶରେ ଆତଙ୍କ ସୃଷ୍ଟି କରିଛି କୋରୋନା ଭାଇରସ । ପ୍ରତ୍ୟେକ ଦିନ ଦେଶରେ କ୍ରମାଗତ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇଥିବା ବେଳେ ବହୁ ଆକ୍ରାନ୍ତଙ୍କ ମୃତ୍ୟୁ ଘଟୁଛି । ଏହା ମଧ୍ୟରେ ମହାରାଷ୍ଟ୍ରରେ ବିୱାଣ୍ଡୀ କାମତଘର ଅଞ୍ଚଳରେ ଜଣେ 45 ବର୍ଷୀୟ ବ୍ୟକ୍ତିଙ୍କର କୋରୋନାରେ ମୃତ୍ୟୁ ଘଟିଛି । ତେବେ ମୃତ ବ୍ୟକ୍ତିଙ୍କ ପରିବାର ଲୋକେ ମୃତଦେହକୁ ଆଲିଙ୍ଗନ କରି କାନ୍ଦିଥିବା ଦେଖିବାକୁ ମିଳିଛି ।
କୋରୋନା ମୃତ ବ୍ୟକ୍ତିଙ୍କୁ ଆଲିଙ୍ଗନ କରି କାନ୍ଦିଲେ ପରିବାର ଲୋକେ
ସୂଚନା ଅନୁଯାୟୀ, ଦେଶରେ କୋରୋନା ମହାମାରୀ ମଧ୍ୟରେ ବହୁ ଯାଗାରେ ଆକ୍ରାନ୍ତଙ୍କୁ କଲୋନୀ କିମ୍ବା ଆପାର୍ଟମେଣ୍ଟକୁ ଯିବାକୁ ବିରୋଧ କରିବା ଭଳି ଘଟଣା ସାମ୍ନାକୁ ଆସିଛି । ଏପରିକି କିଛି କିଛି ସ୍ଥାନରେ ପରିବାର ସଦସ୍ୟ ମଧ୍ୟ ନିଜ ପରିବାରର କୋରୋନା ରୋଗୀଙ୍କୁ ସଂକ୍ରମଣ ଡରରେ ଛୁଇଁ ନଥିବା ଦେଖିବାକୁ ମିଳିଛି ।