ନୂଆଦିଲ୍ଲୀ: ଦେଶରେ ସୁସ୍ଥ ହେଉଛନ୍ତି ଆକ୍ରାନ୍ତ । କୋରୋନା ସଂକ୍ରମଣ ରିପୋର୍ଟ ଲଗାତାର ଭାବେ ବୃଦ୍ଧି ପାଇବାରେ ଲାଗିଥିବାବେଳେ ଆରୋଗ୍ୟ ହାର ଆଶ୍ବସ୍ତି ଦେଉଛି । କୋରୋନା ଯୁଦ୍ଧରେ ସୁସ୍ଥତାଙ୍କ ସଂଖ୍ୟା ବଢିବା ଆତ୍ମବିଶ୍ବାସ ବଢାଉଛି । ରବିବାର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ପ୍ରଦତ୍ତ ସୂଚନା ଅନୁୟାୟୀ ଦେଶରେ ସମୁଦାୟ 4 ଲକ୍ଷ 9 ହଜାର 83 ଜଣ ଲୋକ ସୁସ୍ଥ ହୋଇଛନ୍ତି । ଏହା ଫଳରେ ଦେଶରେ କୋଭିଡ ଆରୋଗ୍ୟ ହାର ହାର 60.77 ପ୍ରତିଶତକୁ ବୃଦ୍ଧି ପାଇଛି । ଗତ 24 ଘଣ୍ଟା ମଧ୍ୟରେ କୋରୋନା କବଳରୁ 14 ହଜାର 856 ଲୋକ ଆରୋଗ୍ୟ ଲାଭ କରିଛନ୍ତି ।
କୋରାନା ଆରୋଗ୍ୟ ହାର ଦୃଷ୍ଟିରୁ ଶ୍ରେଷ୍ଠ 6 ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ହେଉଛି ଚଣ୍ଡିଗଡ଼, ଲଦାଖ, ଉତ୍ତରାଖଣ୍ଡ, ଛତିଶଗଡ ଏବଂ ରାଜସ୍ଥାନ । ଯେଉଁଠି ସୁସ୍ଥତା ହାର 80 ପ୍ରତିଶତରୁ ଅଧିକ। କୋରୋନାଭାଇରସରୁ ଆରୋଗ୍ୟ ହୋଇଥିବା ଲୋକଙ୍କ ସଂଖ୍ୟା ଆଧାରରେ ମହାରାଷ୍ଟ୍ର ଶୀର୍ଷ ସ୍ଥାନରେ ରହିଛି ଏବଂ ପରେ ଦିଲ୍ଲୀ ଏବଂ ତାମିଲନାଡୁ ଦ୍ବିତୀୟ ଓ ତୃତୀୟ ସ୍ଥାନରେ ରହିଛନ୍ତି ।
ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ କହିଛି ଯେ, ଗତ 24 ଘଣ୍ଟା ମଧ୍ୟରେ ଦେଶରେ 24 ହଜାର 850 ନୂତନ ମାମଲା କୋଭିଡ -19 ର ରିପୋର୍ଟ ହୋଇଛି । ଫଳରେ ଦେଶରେ ମୋଟ ମାମଲା 6 ଲକ୍ଷ 73 ହଜାର 165ରେ ପହଞ୍ଚିଛି । ଦେଶରେ ମହାମାରୀରେ ଗୋଟିଏ ଦିନରେ ଏହା ହେଉଛି ସର୍ବାଧିକ ସଂକ୍ରମଣ ମାମଲା ।