ଜୟପୁର: ବିଚାରଗତ ମତଭେଦ ବେଳେବେଳେ ଦେଖାଦିଏ କିନ୍ତୁ ଏହା ଦ୍ବାରା ଆମ ସରକାରକୁ ଦୁର୍ବଳ କରିବା ଠିକ୍ ନୁହେଁ ବୋଲି କଂଗ୍ରେସ ନେତା ରଣଦୀପ ସୁରଜେୱାଲା କହିଛନ୍ତି । ସେ କହିଛନ୍ତି ଯଦି କୌଣସି ମତଭେଦ ଅଛି, ତେବେ ଆମେ ସୋନିଆ ଗାନ୍ଧୀ ଓ ରାହୁଲ ଗାନ୍ଧୀଙ୍କ ନେତୃତ୍ବରେ ସମାଧାନ କରିବୁ । ବ୍ୟକ୍ତିଗତ ପ୍ରତିଯୋଗିତା ମାଧ୍ୟମରେ ସରକାରଙ୍କୁ ଦୁର୍ବଳ କରିବା ଠିକ୍ ନୁହେଁ ।
କେନ୍ଦ୍ରୀୟ ନେତୃତ୍ବଙ୍କ ଦ୍ବାରା ଆହ୍ବାନରେ ଜୟପୁର ଯାଇଥିବା ରଣଦୀପ ସୁରଜେୱାଲା କହିଛନ୍ତି ଯେ, ‘ଗତ 48 ଘଣ୍ଟା ମଧ୍ୟରେ କଂଗ୍ରେସ ସଚିନ ପାଇଲଟଙ୍କ ସହ ଅନେକ ଥର କଥା ହୋଇଛି । ଜନସାଧାରଣଙ୍କ ସେବା ପାଇଁ ରାଜସ୍ଥାନ ସରକାର କାର୍ଯ୍ୟ କରିବେ । ଆମେ ସମସ୍ତ ବିଧାୟକ ଓ ନେତାମାନଙ୍କୁ ବିଧାୟକ ଦଳ ବୈଠକରେ ଯୋଗଦେବାକୁ ଓ କଂଗ୍ରେସ ସରକାରକୁ ମଜବୁତ କରିବାକୁ ନିବେଦନ କରୁଛୁ ।
ସୁରଜେୱାଲା କହିଛନ୍ତି, ‘ବିଚାରଗତ ମତଭେଦ ବେଳେବେଳେ ଦେଖାଦିଏ କିନ୍ତୁ ଆମ ସରକାରକୁ ଦୁର୍ବଳ କରିବା ଠିକ୍ ନୁହେଁ। ଯଦି କୌଣସି ମତଭେଦ ଅଛି, ତେବେ ଆମେ ସୋନିଆ ଗାନ୍ଧୀ ଓ ରାହୁଲ ଗାନ୍ଧୀଙ୍କ ନେତୃତ୍ବରେ ସମାଧାନ କରିବୁ । ବ୍ୟକ୍ତିଗତ ପ୍ରତିଯୋଗିତା ମାଧ୍ୟମରେ ସରକାରଙ୍କୁ ଦୁର୍ବଳ କରିବା ଠିକ୍ ନୁହେଁ । କଂଗ୍ରେସ ନେତା ଅଭିଯୋଗ କରିଛନ୍ତି ଯେ ପ୍ରତ୍ୟେକ ଥର ବିଜେପି ଦ୍ବାରା ଅନୁସନ୍ଧାନ ଏଜେନ୍ସିକୁ ଆଗକୁ ବଢାଯାଉଛି । ଏପରିକି ଆଜି(ସୋମବାର) ସକାଳୁ କଂଗ୍ରେସ ନେତାଙ୍କ ଘରେ ଚଢାଉ କରି ସେମାନଙ୍କୁ ଭୟଭୀତ କରିବାକୁ ଚେଷ୍ଟା କରାଯାଉଛି ।