ନୂଆଦିଲ୍ଲୀ: ଆନ୍ତର୍ଜାତୀୟ ମହିଳା ଦିବସ ଅବସରରେ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିୟାଲ ନୂଆଦିଲ୍ଲୀରେ ମହିଳା ସଶକ୍ତିକରଣ ପାଇଁ ଦେଶରେ ଉଚ୍ଚ ଶିକ୍ଷା ନିୟନ୍ତ୍ରଣକାରୀ ସଂସ୍ଥା, 'ବିଶ୍ବବିଦ୍ୟାଳୟ ଅନୁଦାନ ଆୟୋଗ' (ୟୁଜିସି)ପାଇଁ ଏକ ନୂତନ ପୋର୍ଟାଲ ଉନ୍ମୋଚନ କରିଛନ୍ତି । ୟୁଜିସର ନୂଆ ପୋର୍ଟାଲର ନାମ ସକ୍ଷମ ରଖାଯାଇଛି ।
ମହିଳା ଦିବସ ଅବସରରେ କେନ୍ଦ୍ରମନ୍ତ୍ରୀ ଶୁକ୍ରବାର ନୂଆଦିଲ୍ଲୀରେ ମହିଳା ବିଶ୍ବବିଦ୍ୟାଳୟର କୁଳପତି ତଥା ଦିଲ୍ଲୀ ମହିଳା ମହାବିଦ୍ୟାଳୟର ମହିଳା ପ୍ରଧାନଶିକ୍ଷକଙ୍କୁ ସମ୍ମାନିତ କରିଛନ୍ତି । ଏହି ଅବସରରେ ମନ୍ତ୍ରଣାଳୟ ଏବଂ ୟୁଜିସିର ବରିଷ୍ଠ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ ।