ଅଯୋଧ୍ୟା: ଅଯୋଧ୍ୟାରେ ବହୁ ପ୍ରତିକ୍ଷିତ ରାମ ମନ୍ଦିର ଆସନ୍ତା ସେପ୍ଟେମ୍ବର 17 ପରେ ନିର୍ମାଣ କରାଯିବ। 'ପିତୃପକ୍ଷ' ଅବଧି ଶେଷ ହେବାପରେ ଏଲ ଆଣ୍ଡ ଟି ଦ୍ବାରା ମନ୍ଦିରର ନିର୍ମାଣ ଆରମ୍ଭ କରାଯିବ ।
ହିନ୍ଦୁ ରୀତିନୀତି ଅନୁସାରେ, ପିତୃ ପକ୍ଷରେ ନିଜ ପୂର୍ବପୁରୁଷଙ୍କୁ ପିଣ୍ଡଦାନ କରାଯାଇଥାଏ । ତେଣୁ ଏହି ସମୟରେ କୌଣସି ଶୁଭକାର୍ଯ୍ୟ କରାଯାଇ ନଥାଏ ।
ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟର ସାଧାରଣ ସମ୍ପାଦକ ଚମ୍ପତ ରାୟଙ୍କ ଅନୁଯାୟୀ, ଦେଶର ପ୍ରମୁଖ ନିର୍ମାଣକାରୀ କମ୍ପାନୀ ଲାରସେନ୍ ଆଣ୍ଡ ଟରବୋ ଏହି ମନ୍ଦିରର ଭିତ୍ତିପ୍ରସ୍ତର ସ୍ଥାପନ କରିବ । ଯାହା 12,879 ବର୍ଗମିଟର ଅଞ୍ଚଳରେ ନିର୍ମାଣ କରାଯିବ ।
ନିର୍ମାଣ ପାଇଁ କମ୍ପାନୀ କୌଣସି ଅର୍ଥ ନେଉନାହିଁ । ମନ୍ଦିରର ଭିତ୍ତିପ୍ରସ୍ତରରେ ପ୍ରାୟ 1200 ସ୍ତମ୍ଭ ରହିବ । ଯାହାକୁ 100 ଫୁଟ ତଳେ ରଖାଯିବ । ଏପରିକି ସ୍ତମ୍ଭଗୁଡ଼ିକରେ କୌଣସି ଲୁହା ବ୍ୟବହାର ହେବ ନାହିଁ । କେବଳ ସ୍ବତନ୍ତ୍ର ପଥରରେ ସ୍ତମ୍ଭ ଗୁଡିକର ନିର୍ମାଣ କରାଯିବ । ଏହି ସ୍ତମ୍ଭଗୁଡ଼ିକ ଉପରେ ପୁଣି ଏକ ସ୍ତର ନିର୍ମାଣ କରାଯିବ ।
ନିର୍ମାଣକାରୀ କମ୍ପାନୀ ମୁମ୍ବାଇରୁ ମେସିନ ମଗାଇଥିବା ବେଳେ ଅନ୍ୟ ଯନ୍ତ୍ରପାତି ହାଇଦ୍ରାବାଦରୁ ଅଣାଯାଉଛି । ମନ୍ଦିରର ଭିତ୍ତିପ୍ରସ୍ତର ସ୍ଥାପନରେ ଟ୍ରଷ୍ଟ ପ୍ରାୟ 100 ଶ୍ରମିକଙ୍କୁ ନିୟୋଜିତ କରିବ ବୋଲି କୁହାଯାଇଛି । ନିର୍ମାଣ କାର୍ଯ୍ୟରେ ନିୟୋଜିତ ହେବାକୁ ଥିବା ଲୋକମାନଙ୍କୁ ପ୍ରବେଶ ପୂର୍ବରୁ କୋରୋନାଲ ଟେଷ୍ଟ ସହ ଥର୍ମାଲ୍ ସ୍କାନିଂ କରାଯିବ।
ଗତ ସପ୍ତାହରେ ଅଯୋଧ୍ୟା ବିକାଶ ପ୍ରାଧିକରଣ (ଏଡିଏ) ଦୁଇଟି ନିର୍ମାଣ ଲେଆଉଟ୍ ଅନୁମୋଦନ କରିଥିଲା । କର୍ତ୍ତୃପକ୍ଷଙ୍କ ବ୍ୟାଙ୍କ ଆକାଉଣ୍ଟରେ ଆବଶ୍ୟକ ଫି ଜମା କରିବା ପରେ ଏଡିଏ ସେପ୍ଟେମ୍ବର 4ରେ ଟ୍ରଷ୍ଟକୁ ଲେଆଉଟ୍ ହସ୍ତାନ୍ତର କରିଥିଲା।
ଟ୍ରଷ୍ଟର ସୂଚନା ଅନୁଯାୟୀ, ଆଧୁନିକ ଜ୍ଞାନକୌଶଳ ବ୍ୟବହାର କରି ମନ୍ଦିରର ଭିତ୍ତିପ୍ରସ୍ତର ସ୍ଥାପନ କରାଯିବ । ଫଳରେ ମନ୍ଦିର 1,500 ବର୍ଷରୁ ଅଧିକ ସମୟ ସଂରକ୍ଷିତ ହୋଇରହିବ ।
ସେଣ୍ଟ୍ରାଲ ବିଲଡିଂ ରିସର୍ଚ୍ଚ ଇନଷ୍ଟିଚ୍ୟୁଟ୍ (ସିବିଆଇଆର), ରୁର୍କି ଏବଂ ଆଇଆଇଟି ମାଡ୍ରାସର ବିଶେଷଜ୍ଞମାନେ ମନ୍ଦିରର ମୂଳଦୁଆକୁ ଦୃଢ ଯୋଜନା କରାଯାଇଛି । ଯାହା ଦ୍ବାରା ମନ୍ଦିର ଭୂକମ୍ପ ଓ ଅନ୍ୟ ପ୍ରାକୃତିକ ବିପର୍ଯ୍ୟୟକୁ ସହ୍ୟ କରିପାରିବ।
@IANS
