ନୂଆଦିଲ୍ଲୀ: ବଜେଟ ଅଧିବେଶନ ପୂର୍ବରୁ ସଂସଦର ମିଳିତ ଅଧିବେଶନକୁ ରାଷ୍ଟ୍ରପତି ସମ୍ବୋଧନ କରିଥିଲେ । ପରେ ଫେବୃୟାରୀ 1 ରେ 2020-2021 ଆର୍ଥିକ ବର୍ଷର ବଜେଟ ଆଗତ ପରେ ଏବେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଉଭୟ ଗୃହରେ ଧନ୍ୟବାଦ ପ୍ରସ୍ତାବ ଉପରେ ଆଲୋଚନା ଜାରି ରହିଛି ।
ଧନ୍ୟବାଦ ପ୍ରସ୍ତାବ ଆଲୋଚନା ବେଳେ ଆନନ୍ଦ ଶର୍ମାଙ୍କ ସାଂଘାତିକ ଅଭିଯୋଗ
ଗୁରୁବାର ରାଜ୍ୟସଭାରେ କଂଗ୍ରେସ ଦଳ ପକ୍ଷରୁ ବରିଷ୍ଠ ସାଂସଦ ଆନନ୍ଦ ଶର୍ମା ଆଲୋଚନାରେ ଭାଗ ନେଇ ସରକାରଙ୍କୁ ସମାଲୋଚନା କରିଛନ୍ତି । ଆଲୋଚନା ବେଳେ ଆନନ୍ଦ ଶର୍ମା କହିଛନ୍ତି ରାଷ୍ଟ୍ରପତିଙ୍କ ଭାଷଣରେ ସରକାରଙ୍କ ମନର ଭାଷା ସ୍ଥାନ ପାଇଥିଲା । ବିସ୍ତାର ଭାବେ ଭାଷଣରେ କୁହାଯାଇଥିଲା ଦେଶର ଦୃତ ବିକାଶ ହେଉଛି । ଦେଶରେ କୌଣସି ସମସ୍ୟା ନାହିଁ । ଦେଶ ବିକାଶ ପଥରେ ଆଗେଇ ଚାଲିଛି । ଦେଶରେ ସବୁ କିଛି ଠିକ ଅଛି । କିନ୍ତୁ ମୋଦି ଦ୍ବିତୀୟ ଥର ପ୍ରଧାନମନ୍ତ୍ରୀ ହେବାପରେ ଦେଶରେ କଣ ଚାଲିଛି ସମସ୍ତେ ଜାଣନ୍ତି ।