ନୂଆଦିଲ୍ଲୀ: ରାଜ୍ୟସଭାରେ କର୍ଣ୍ଣାଟକ ଝଡ । ବିରୋଧୀଙ୍କ ପ୍ରବଳ ହଟ୍ଟଗୋଳ ଓ ହୋହାଲ୍ଲାରେ ଦିନ 2ଟା ପର୍ଯ୍ୟନ୍ତ ଗୃହକୁ ମୁଲତବୀ ଘୋଷଣା କରାଯାଇଛି । ତେବେ କର୍ଣ୍ଣାଟକର ରାଜନୈତିକ ଝଡରେ କଂଗ୍ରେସ ଓ ଜେଡିଏସକୁ ନେଇ ଗଠିତ ମେଣ୍ଟ ସରକାରରୁ 30ରୁ ଊର୍ଦ୍ଧ୍ବ ମନ୍ତ୍ରୀ ଇସ୍ତଫା ଦେଇ ସାରିଛନ୍ତି।
ରାଜ୍ୟସଭାରେ ଉଠିଲା କର୍ଣ୍ଣାଟକ ଝଡ, ଗୃହ ମୁଲତବୀ
ରାଜ୍ୟସଭାରେ କର୍ଣ୍ଣାଟକ ଝଡ। ବିରୋଧୀଙ୍କ ପ୍ରବଳ ହଟ୍ଟଗୋଳ ଓହୋହାଲ୍ଲାରେ ଦିନ 2ଟା ପର୍ଯ୍ୟନ୍ତ ଗୃହକୁ ମୁଲତବୀ ଘୋଷଣା କରାଯାଇଛି ।
ଖବର ଅନୁଯାୟୀ, କଂଗ୍ରେସ ସାଂସଦ ଅଧିର ରଞ୍ଜନ ଚୌଧୁରୀ ଓ କେ ସୁରେଶ ଲୋକସଭାରେ ମୁଲତବୀ ପ୍ରସ୍ତାବ ଆଣିଛନ୍ତି । ଅନ୍ୟପକ୍ଷରେ ବେଙ୍ଗାଲୁରୁରେ କଂଗ୍ରେସ ବିଧାୟକ ଦଳ ବୈଠକ ଆରମ୍ଭ ହୋଇଥିବା ବେଳେ ବୈଠକରେ କର୍ଣ୍ଣାଟକରେ ପୂର୍ବତନ ମୁଖ୍ୟମନ୍ତ୍ରୀ ତଥା ବିଧାୟକ ଦଳ ନେତା ସିଦ୍ଧରମେୟା, ପ୍ରିୟଙ୍କ ଖାର୍ଗେ ଓ ଅନ୍ୟ କଂଗ୍ରେସ ନେତା ପ୍ରମୁଖ ଯୋଗ ଦେଇଛନ୍ତି ।
ଅନ୍ୟପଟେ ଆଜି ଦିଲ୍ଲୀରେ ବିଜେପିର ସଂସଦୀୟ ଦଳ ବୈଠକ ଅନୁଷ୍ଠିତ କରାଯାଉଛି । ଏହି ବୈଠକରେ ଗୃହମନ୍ତ୍ରୀ ଅମିତ ଶାହା 20 ଜଣ ସଦସ୍ୟଙ୍କୁ ଚୟନ କରି ରାଷ୍ଟ୍ର ଭାଷା ହିନ୍ଦୀକୁ ସରକାରୀ ଭାଷା ଭାବେ ବ୍ୟବହାର କରିବା ପାଇଁ ପ୍ରସ୍ତାବ ରଖିବେ । ଏହାସହ 2019-20 କେନ୍ଦ୍ର ବଜେଟ ଉପରେ ମଧ୍ୟ ମାନସ ମନ୍ଥନ କରାଯିବ ।