ନୂଆଦିଲ୍ଲୀ: ଆଜି ବୈଦେଶିକ ମନ୍ତ୍ରୀ ଏସ ଜୟ ଶଙ୍କର ଗତକାଲି ଭାରତୀୟ ନାଗରିକ କୁଳ ଭୂଷଣ ମାମଲା ପ୍ରସଙ୍ଗରେ ଅନ୍ତର୍ଜାତୀୟ ନ୍ୟାୟ ଅଦାଲତ ଦେଇଥିବା ରାୟକୁ ରାଜ୍ୟସଭାକୁ ଅବଗତ କରାଇଥିଲେ । ରାଜ୍ୟସଭା ଅଧ୍ୟକ୍ଷ ଏମ ଭେଙ୍କେୟା ନାଇଡୁ ଆଜି ପ୍ରଥମେ ଏହି ପ୍ରସଙ୍ଗରେ ସରକାରଙ୍କ ମତ ରଖିବାକୁ ବୈଦେଶିକ ମନ୍ତ୍ରୀଙ୍କୁ ସୁଯୋଗ ଦେଇଥିଲେ । ବୈଦେଶିକ ମନ୍ତ୍ରୀ ଗୃହରେ କହିଛନ୍ତି କୁଳଭୂଷଣ ମାମଲାରେ ଗତକାଲି ଆଇସିଜେର 15ଜଣିଆ ବିଚାରପତି ଭାରତ ପକ୍ଷରେ ରାୟ ଦେଇଛନ୍ତି ।
ଭିଡିଓ ସୌଜନ୍ୟ: ଏଏନଆଇ
କୁଳଭୂଷଣ ତାଙ୍କ ପରିବାରର ଖାଲି ଜଣେ ସଦସ୍ୟ ନୁହଁନ୍ତି, ସେ ଭାରତ ମାତାର ସନ୍ତାନ । ତେଣୁ ତାଙ୍କୁ ସୁରକ୍ଷିତ ଭାବେ ଦେଶକୁ ଫେରାଇ ଆଣିବା ପାଇଁ ଯାହା ଦରକାର ତାହା କରିବାରେ କୌଣସି ଅବହେଳା ସରକାର କରିବେ ନାହିଁ । କୁଳଭୂଷଣଙ୍କ ପରିବାର ସହ ସାରା ଦେଶବାସୀ ଏକସଙ୍ଗରେ ଛିଡା ହୋଇଛନ୍ତି ବୋଲି କହିଥିଲେ ।