ନୂଆଦିଲ୍ଲୀ: ଋଷ ଗସ୍ତରୁ ଫେରିବା ସମୟରେ ହଠାତ ଇରାନ ଗସ୍ତରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ସେ ମସ୍କୋରୁ ତେହରାନ ଅଭିମୁଖେ ଉଡାଣ ଭରିଛନ୍ତି । ସେଠାରେ ସେ ଇରାନର ପ୍ରତରକ୍ଷାମନ୍ତ୍ରୀ ବ୍ରିଗେଡିୟର ଜେନେରାଲ ଆମିର ହାତମିଙ୍କୁ ଭେଟିବେ ବୋଲି ଜଣାପଡିଛି । ତେବେ ପୂର୍ବତ୍ତୋରରେ ଚୀନ ଏବଂ ପଶ୍ଚିମ ସୀମାରେ ପାକିସ୍ତାନ ପକ୍ଷରୁ କରାଯାଉଥିବା ଭାରତ ବିରୋଧୀ କାର୍ଯ୍ୟକଳାପ ମଧ୍ୟରେ ରାଜନାଥ ସିଂଙ୍କ ଇରାନ ଯାତ୍ରା ଅତ୍ୟନ୍ତ ଗୁରୁତ୍ବପୂର୍ଣ୍ଣ ବୋଲି ବିବେଚନା କରାଯାଉଛି ।
ତେବେ କୋରୋନା ଭାଇରସ ମହାମାରୀ ଆରମ୍ଭ ହେବା ପରଠାରୁ ଜଣେ ଭାରତୀୟ ମନ୍ତ୍ରୀଙ୍କ ଇସଲାମ ରାଷ୍ଟ୍ରକୁ ଏହା ପ୍ରଥମ ଉଚ୍ଚସ୍ତରୀୟ ଗସ୍ତ ହେବ। ସୂଚନା ଅନୁଯାୟୀ ସିଂ ଆଜି ରାତିରେ ତେହେରାନରେ ତାଙ୍କ ଇରାନ ପ୍ରତିପକ୍ଷଙ୍କ ସହ ଦ୍ବିପାକ୍ଷିକ ବୈଠକ କରିବାର କାର୍ଯ୍ୟକ୍ରମ ରହିଛି।