ପ୍ରତିରକ୍ଷା ମନ୍ତ୍ରୀଙ୍କ ଦ୍ବାରା ‘ବିଜୟ ଶିଖା’ ପ୍ରଜ୍ବଳନ

ପ୍ରତିରକ୍ଷା ମନ୍ତ୍ରୀ ଜାତୀୟ ଯୁଦ୍ଧ ସ୍ମାରକୀଠାରେ ବିଜୟ ଶିଖା ପ୍ରଜ୍ବଳନ କରିଛନ୍ତି । ବୀର ସୈନିକଙ୍କ ସ୍ମୃତିରେ ଏହି ଶିଖା ବିଭିନ୍ନ ସହର ପରିକ୍ରମା କରିବ ।

ନୂଆଦିଲ୍ଲୀ: କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଜାତୀୟ ଯୁଦ୍ଧ ସ୍ମାରକୀଠାରେ ବିଜୟ ଶିଖା ପ୍ରଜ୍ବଳନ କରିଛନ୍ତି । ଏହି ବିଜୟ ଶିଖାକୁ 11ଟି ସହର ମଧ୍ୟରେ ପରିକ୍ରମା କରାଯାଇ ଦ୍ରାସ ପର୍ଯ୍ୟନ୍ତ ନିଆଯିବ । ପରେ ଆସନ୍ତା 26 ତାରିଖରେ କାର୍ଗିଲ ବିଜୟ ଦିବସ ଅବସରରେ ଏହି ଶିଖାକୁ କାର୍ଗିଲ ଯୁଦ୍ଧ ସ୍ମାରକୀରେ ଥିବା ଅନନ୍ତ ଶିଖାରେ ସ୍ଥାପନ କରାଯିବ ।

ଏହି ଅବସରରେ ପ୍ରତିରକ୍ଷା ମନ୍ତ୍ରୀ କହିଛନ୍ତି, ‘କାର୍ଗିଲ ଶହୀଦଙ୍କୁ ମୁଁ ଶ୍ରଦ୍ଧାଞ୍ଜଳୀ ଅର୍ପଣ କରିବା ସହ ସେମାନଙ୍କ ପରିବାର ସଦସ୍ୟଙ୍କୁ ସମ୍ମାନ ପ୍ରଦର୍ଶନ କରୁଛି ।’

ଏହି କାର୍ଯ୍ୟକ୍ରମରେ ସ୍ଥଳସେନା ମୁଖ୍ୟ ବିପିନ ରାୱତଙ୍କ ସମେତ ଉତ୍ତରାଞ୍ଚଳ ସେନା କମାଣ୍ଡର ଲେପ୍ଟନାଣ୍ଟ ଜେନେରାଲ ରଣବୀର ସିଂ ଓ ଅନ୍ୟ ପଦାଧିକାରୀ ଯୋଗ ଦେଇଥିଲେ ।

ଉଲ୍ଲେଖଯୋଗ୍ୟ ଯେ କାର୍ଗିଲ ଯୁଦ୍ଧରେ ବୀର ସୈନିକଙ୍କ ଅପୂର୍ବ ପରାକ୍ରମ ବଳରେ ଭାରତ ବିଜୟୀ ହୋଇଥିଲା । ଏହି ପରାକ୍ରମକୁ ମନେପକାଇବା ପାଇଁ ପ୍ରତିବର୍ଷ ଜୁଲାଇ 26 ତାରିଖକୁ କାର୍ଗିଲ ବିଜୟ ଦିବସ ଭାବରେ ପାଳନ କରାଯାଏ ।