ଜୟପୁର: ରାଜସ୍ଥାନର ରାଜନୈତିକ ବିବାଦ ଏବେ ହାଇକୋର୍ଟରେ ପହଞ୍ଚିଛି। ସଚିନ ପାଇଲଟ ଏବଂ ୧୮ ବିଦ୍ରୋହୀ ବିଧାୟକଙ୍କ ଆବେଦନର ଶୁଣାଣି ଶୁକ୍ରବାର ରାଜସ୍ଥାନ ହାଇକୋର୍ଟରେ ହୋଇଛି । ପାଇଲଟଙ୍କ ପକ୍ଷରୁ ବରିଷ୍ଠ ଓକିଲ ହରିସ ସାଲଭେ କୋର୍ଟରେ ଯୁକ୍ତି ବାଢିଥିଲେ । ତେବେ ମାମଲାର ପରବର୍ତ୍ତୀ ଶୁଣାଣି ସୋମବାର ପର୍ଯ୍ୟନ୍ତ ସ୍ଥଗିତ ରଖିଛନ୍ତି ହାଇକୋର୍ଟ ।
ଶୁକ୍ରବାର ଶୁଣାଣି ସମୟରେ ସାଲଭେ କହିଥିଲେ, ଯଦି ମୁଁ ସରକାର ଭାଙ୍ଗିବାକୁ ଚେଷ୍ଟା କରୁଛି ତାହେଲେ ସଚିନ ପାଇଲଟ ଏବଂ ଅନ୍ୟ ବିଧାୟକଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେଉ । କିନ୍ତୁ ସେମାନେ ଏଭଳି କିଛି କରିନାହାନ୍ତି । ସେମାନେ କେବଳ ବାକ୍ ସ୍ବାଧୀନତା ଅଧୀନରେ ସ୍ୱର ଉତ୍ତୋଳନ କରିଛନ୍ତି । ଏହା ସେମାନଙ୍କର ଅଧିକାର, ତେଣୁ ତୁରନ୍ତ ନୋଟିସକୁ ବାତିଲ କରାଯିବା ଉଚିତ୍ ବୋଲି ସାଲଭେ କୋର୍ଟଙ୍କୁ କହିଥିଲେ ।