ରାୟପୁର: ଛତିଶଗଡର ରାଜନନ୍ଦନଗାଁଓ ଜିଲ୍ଲାରେ ସୁରକ୍ଷାବଳକୁ ମିଳିଛି ବଡ଼ ସଫଳତା। ସୁରକ୍ଷାବଳ ଏବଂ ମାଓବାଦୀଙ୍କ ମଧ୍ୟରେ ହୋଇଥିବା ଗୁଳି ବିନିମୟରେ ବିପୁଳ ପରିମାଣରେ ମାଓ ସାମଗ୍ରୀ ଜବତ ହୋଇଛି । ମିଳିଥିବା ସୂଚନା ଅନୁସାରେ ରାଜନନ୍ଦଗାଁ,କାଙ୍କେର ଓ ମହାରାଷ୍ଟ୍ରର ଗଡଚିରୌଲି ଜିଲ୍ଲା ସୀମାନ୍ତରେ ଥିବା କୋହକାଟେଲା ଗାଁରେ ସୁରକ୍ଷାବାହିନୀ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏବେ ମଧ୍ୟ ଉକ୍ତ ସ୍ଥାନରେ କମ୍ବିଂ ଅପରେସନ୍ ଜାରି ରହିଛି।
ଘଟଣାସ୍ଥଳରୁ ରାଇଫଲ୍,ଏୟାରଗନ୍, ଗୋଳାବାରୁଦ ଓ ବିପୁଳ ପରିମାଣର ଦୈନନ୍ଦିନ ବ୍ୟବହାର ଉପଯୋଗୀ ଆସବାପତ୍ର ଜବତ କରିଛି ପୋଲିସ । ପୂର୍ବରୁ ଏହି ଅଞ୍ଚଳରେ ସନ୍ଦିଗ୍ଧ ଅବସ୍ଥାରେ ମାଓବାଦୀଙ୍କ ଗତିବିଧି ବିଷୟରେ ସୁରକ୍ଷାବାହିନୀକୁ ଗୁପ୍ତ ସୂଚନା ମିଳିଥିଲା ।