ନୂଆଦିଲ୍ଲୀ: ଜୁନ୍ 1ରୁ ଚାଲିବାକୁ ଥିବା 200ଟି ସ୍ବତନ୍ତ୍ର ଟ୍ରେନର ତାଲିକା ଭାରତୀୟ ରେଳ ବୁଧବାର ପ୍ରକାଶ କରିଛି । ସମ୍ପୂର୍ଣ୍ଣ ରିଜର୍ଭ ଟ୍ରେନ ଗୁଡିକ ଉଭୟ ଏସି ଓ ଅଣ-ଏସି ରହିବ । ଏହାସହ ଟ୍ରେନର ବୁକିଂ ମେ 21 (ଗୁରୁବାର)ଠାରୁ ଆରମ୍ଭ ହେବ ବୋଲି କହିଛି ଭାରତୀୟ ରେଳ ।
ଏହି ସ୍ବତନ୍ତ୍ର ଟ୍ରେନର ବୁକିଂ ଗୁରୁବାର 10 ଟା ଠାରୁ IRCTC ମାଧ୍ୟମରେ ଆରମ୍ଭ ହେବ । ଅଧିକାରୀ କହିଛନ୍ତି ଯେ କେବଳ ଅନଲାଇନ୍ ଇ-ଟିକେଟ୍ ଆଇଆରସିଟିସି ୱେବସାଇଟ୍ କିମ୍ବା ମୋବାଇଲ୍ ଆପ୍ ମାଧ୍ୟମରେ କରାଯିବ । ସେ କହିଛନ୍ତି, କୌଣସି ରେଳ ଷ୍ଟେସନରେ ସଂରକ୍ଷଣ କାଉଣ୍ଟରରେ କୌଣସି ଟିକେଟ୍ ବୁକ୍ କରାଯିବ ନାହିଁ । ରେଳ ମନ୍ତ୍ରଣାଳୟର ମୁଖପାତ୍ର ଏକ ବିବୃତ୍ତିରେ କହିଛନ୍ତି ଯେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଏବଂ ଗୃହ ମନ୍ତ୍ରଣାଳୟର ପରାମର୍ଶ କ୍ରମେ ଭାରତୀୟ ରେଳ ଜୁନ 1 ତାରିଖରୁ ଟ୍ରେନ୍ ସେବା ଆଂଶିକ ଭାବେ ପୁଣି ଥରେ ଚଳାଚଳ ଆରମ୍ଭ କରିବ ।