ଜୟପୁର: ଜାନୁଆରୀ 28 ତାରିଖରେ କେନ୍ଦ୍ର ନେତୃତ୍ବାଧୀନ ବିଜେପି ସରକାରଙ୍କ ‘ଜନ ବିରୋଧୀ ନୀତି’କୁ ବିରୋଧ କରି ଏକ ବିଶାଳ ଯୁବ ସମାବେଶ ଜୟପୁରରେ ଆୟୋଜିତ କରୁଛି କଂଗ୍ରେସ । କେନ୍ଦ୍ର ସରକାରଙ୍କ ବିରୋଧରରେ ରଣ ହୁଙ୍କାର ଡାକରା ଦେଇଛି କଂଗ୍ରେସ । ଏହି ବିଶାଳ ଯୁବ ରାଲିର ନେତୃତ୍ବ କଂଗ୍ରେସ ସାଂସଦ ରାହୁଲ ଗାନ୍ଧୀ ନେବେ ବୋଲି ରାଜ୍ୟ ଉପମୁଖ୍ୟମନ୍ତ୍ରୀ ସଚିନ ପାଇଲଟ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।
ଏହି ‘ଯୁବ ଆକ୍ରାେଶ ରାଲି’ରେ ମୁଖ୍ୟତଃ ଦେଶର ଯୁବକ ଓ ଛାତ୍ରମାନେ ସାମ୍ନା କରୁଥିବା ସମସ୍ୟାକୁ ନଜରରେ ରଖି କେନ୍ଦ୍ର ସରକାରଙ୍କୁ ଘେରିବ କଂଗ୍ରେସ । ଦେଶରେ ବଢୁଥିବା ବେକାରୀ ସମସ୍ୟା, ବେରୋଜଗାରୀ ଓ ଅର୍ଥନୀତିର ଦୂରାବସ୍ଥା ନେଇ ବିଜେପି ସରକାରଙ୍କ ବିରୋଧରେ ଜୟପୁରରେ ଗର୍ଜିବ କଂଗ୍ରେସ ।
ବୁଧବାର ଜାତୀୟ ଯୁବ କଂଗ୍ରେସ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ଏହି ରାଲି ନେଇ ଚୂଡାନ୍ତ ତାରିଖ ଘୋଷଣା କରାଯାଇଛି । ଏହାସହ ରାଜ୍ୟର ସମସ୍ତ ଯୁବକ, କଂଗ୍ରେସ ଯୁବ ନେତା ଓ କର୍ମୀଙ୍କୁ ଭାଗ ନେବା ପାଇଁ ଦଳ ପକ୍ଷରୁ ଆହ୍ବାନ ଦିଆଯାଇଛି । ଏହି ସମ୍ମିଳନୀରେ ଉପମୁଖ୍ୟମନ୍ତ୍ରୀ ସଚିନ ପାଇଲଟ ଓ ମୁଖ୍ୟମନ୍ତ୍ରୀ ଅଶୋକ ଗେହଲଟ ଉପସ୍ଥିତ ରହିଥିଲେ ।