ଚିଡିଗଲେ ସିଦ୍ଧୁ, ଟ୍ରୋଲଙ୍କୁ ନେଇ କହିଲେ ଏପରି କଥା

ପୁଲୱାମା ହମଲା ପରେ ପାକିସ୍ତାନ ସପକ୍ଷରେ ନିଜ ବୟାନ ଦେଇ ଟ୍ରୋଲର ଶୀକାର ହୋଇଥିବା ନବଜୋତ ସିଂହ ସିଦ୍ଧୁଙ୍କ ପୁଣି ଏକ ଟ୍ବିଟକୁ ନେଇ ଚର୍ଚ୍ଚା। ନିଜ ଟ୍ବିଟରେ ସିଧାସଳଖ ପ୍ରଧାନମନ୍ତ୍ରୀଙ୍କ ଉପରେ ବର୍ଷିଛନ୍ତି ପଞ୍ଜାବ ଉପମୁଖ୍ୟମନ୍ତ୍ରୀ। ଏଭଳି ଟ୍ରୋଲକୁ ସେ ଖାତିର କରୁନଥିବା କହିଛନ୍ତି ସିଦ୍ଧୁ।

ନୂଆଦିଲ୍ଲୀ:ଟ୍ରୋଲର ଶୀକାର ହେବା ପରେ ଚିଡିଗଲେ ସିଦ୍ଧୁ । ପୁଲୱାମା ହମଲା ପରେ ପାକିସ୍ତାନ ସପକ୍ଷରେ ବୟାନବାଜି କରୁଥିବା ନବଜୋତ ସିଂହ ସିଦ୍ଧୁ ସିଧାସଳଖ ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମାଲୋଚନା କରିବାକୁ ଯାଇ ସିଦ୍ଧୁ କହିଛନ୍ତି, ପ୍ରଧାନମନ୍ତ୍ରୀଙ୍କ ଡାଇଲଗ ଭଗବାନଙ୍କ ବାଣୀ ପରି, ଅନ୍ୟ କାହାର ଡାଇଲଗ ଦେଶଦ୍ରୋହୀ ପରି। ହେଲେ ଦିନେ ନରେନ୍ଦ୍ର ମୋଦିଙ୍କ ଉପରେ ସବୁ ସତ ଭାରି ପଡିବ ବୋଲି ସେ କହିଛନ୍ତି। ଏପରିକି କୌଣସି ଟ୍ରୋଲକୁ ମଧ୍ୟ ସେ ଭ୍ରୃକ୍ଷେପ କରୁନଥିବା କହିଛନ୍ତି ସିଦ୍ଧୁ।

ପାକ୍ ପ୍ରଧାନମନ୍ତ୍ରୀ ଇମରାନ ଖାନଙ୍କ ବନ୍ଧୁ ସିଦ୍ଧୁ। ବିଭିନ୍ନ ସମୟରେ ପାକ୍ ସପକ୍ଷରେ ସିଦ୍ଧୁ କରିଥାନ୍ତି ବୟାନବାଜି। ପୁଲୱାମା ହମଲା ପରେ ମଧ୍ୟ ଦେଖିବାକୁ ମିଳିଥିଲା ଏପରି କିଛି । କିଛି ଲୋକଙ୍କ ପାଇଁ ସମ୍ପୂର୍ଣ୍ଣ ପାକିସ୍ତାନକୁ ଦୋଷ ଦେବା ଠିକ ନୁହେଁ ବୋଲି କହିଥିଲେ ନବଜୋତ। ଯାହାକୁ ନେଇ ତାଙ୍କୁ ଟ୍ରୋଲର ଶୀକାର ହେବାକୁ ପଡିଥିଲା । ଏପରିକି କଂଗ୍ରେସ ନେତା ଦିଗବିଜୟ ସିଂହ ମଧ୍ୟ ସିଦ୍ଧୁଙ୍କ ଏପରି ବୟାନକୁ ସହଜରେ ଗ୍ରହଣ କରିପାରିନଥିଲେ।