ପୁଡୁଚେରୀ: ଦେଶବ୍ୟାପୀ ଆରମ୍ଭ ହୋଇଯାଇଛି ପ୍ଲାଷ୍ଟିକ ମୁକ୍ତ ଅଭିଯାନ । ପରିବେଶକୁ ସବୁଜ ସୁନ୍ଦର କରି ଗଢି ତୋଳିବାକୁ ଦେଶବାସୀଙ୍କୁ ଏକ ସ୍ବପ୍ନ ଦେଖାଇଛନ୍ତି ପ୍ରଧାନମନ୍ତ୍ରୀ ମୋଦି । ତେଣୁ ସବୁଠି ଖୋଜା ଚାଲିଛି ପ୍ଲାଷ୍ଟିକର ବିକଳ୍ପ । କେଉଁ ପନ୍ଥା ଆପଣେଇଲେ ପ୍ଲାଷ୍ଟିକ ଠାରୁ ଦୂରେଇ ରହି ପାରିବେ ସେନେଇ ପୁଡୁଚେରୀର ଏକ ଗାଁରେ ଦେଖିବାକୁ ମିଳିଛି ସ୍ବତନ୍ତ୍ର ପଦକ୍ଷେପ ।
ପୁଡୁଚେରୀରେ ପ୍ଲାଷ୍ଟିକ ବିକଳ୍ପ
ସ୍ବଚ୍ଛ ପରିବେଶ । ସୁସ୍ଥ ଓ ନିରାମୟ ଜୀବନର ଆଧାର । ଏହାକୁ ମୂଳମନ୍ତ୍ର କରିଛି ପୁଡୁଚେରୀର ପିଲୈୟାରକୁପମ ଗାଁ । ଯେଉଁଠି ସର୍ବନିମ୍ନ ପ୍ଲାଷ୍ଟିକ ବ୍ୟବହାର ନେଇ ସ୍ବତନ୍ତ୍ର ପଦକ୍ଷେପ ନିଆଯାଇଛି । ସରକାର ନୁହେଁ, ବରଂ ପିଲୈୟାରକୁପମ ଗ୍ରାମବାସୀ ଏକ ଗ୍ରୁପ କରି ଏହି ଦାୟିତ୍ବ ତୁଲାଇଛନ୍ତି। ଏହା ସହ ଗ୍ରୁପର ସଦସ୍ୟ କପଡା ଓ କାଗଜରୁ ବ୍ୟାଗ ପ୍ରସ୍ତୁତ କରୁଛନ୍ତି । ଯଦ୍ବାରା ହ୍ରାସ ହୋଇପାରିଛି ପ୍ଲାଷ୍ଟକ ବହୁଳର ବ୍ୟବହାର । ଆଉ ଏନେଇ ସେମାନଙ୍କୁ ପ୍ରଶିକ୍ଷଣ ମଧ୍ୟ ଦିଆଯାଉଛି ।