ନୂଆଦିଲ୍ଲୀ: କୋରୋନା କବଳରେ ସାରା ବିଶ୍ବ । ଏହାର ମୁକାବିଲା କରିବାକୁ ନାନା ପନ୍ଥା ଆପଣାଉଛନ୍ତି ସରକାର । ଏନେଇ ଆଜିଠୁ 21 ଦିନ ପର୍ଯ୍ୟନ୍ତ ପୁରା ଭାରତକୁ ଲକ୍ଡାଉନ୍ କରାଯାଇଛି। ଅତିଆବଶ୍ୟକ ପଡିଲେ ଘରୁ ନବାହାରିବାକୁ ପ୍ରଧାନମନ୍ତ୍ରୀ ନିବେଦନ କରିଛନ୍ତି । ସେପଟେ କଂଗ୍ରେସର ବରିଷ୍ଠ ନେତା ଅହମ୍ମଦ ପଟ୍ଟେଲ ଏହି ଲକ୍ଡାଉନ୍ ସମୟରେ ଲୋକଙ୍କୁ ମାଗଣା ରାସନ ଦେବାକୁ ଚିଠି ଲେଖିଛନ୍ତି ।
ପ୍ରଧାନମନ୍ତ୍ରୀଙ୍କୁ ଲେଖିଥିବା ଚିଠିରେ ସେ କହିଛନ୍ତି ଯେ, ଲକ୍ଡାଉନ୍ ପର୍ଯ୍ୟନ୍ତ ହିତାଧିକାରୀଙ୍କ ପରିଚୟ ପ୍ରକ୍ରିୟା ଛାଡି ଦିଆଯାଇପାରେ । ଏହି ସଙ୍କଟକୁ ଦୃଷ୍ଟିରେ ରଖି ସରକାରଙ୍କୁ ଅନୁରୋଧ କରୁଛି ଯେ ଲକଡାଉନ୍ ପର୍ଯ୍ୟନ୍ତ ଆବଶ୍ୟକ କରୁଥିବା ଲୋକଙ୍କୁ ମାଗଣାରେ ରାସନ ପ୍ରଦାନ କରାଯାଉ, ଯାହା ଖାଦ୍ୟ ସୁରକ୍ଷା ଆଇନର ଧାରା ଉପରେ ରହିବ।