ନୂଆଦିଲ୍ଲୀ : ୟୁପି ସରକାରଙ୍କ ନିକଟକୁ ଚିଠି ଲେଖିଲେ କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ ଭାଡ୍ରା । ମୁଖ୍ୟମନ୍ତ୍ରୀଙ୍କୁ ଲେଖାଯାଇଥିବା ଚିଠିରେ ପ୍ରିୟଙ୍କା ଗାନ୍ଧୀ କହିଛନ୍ତି ଯେ ସମଗ୍ର କୋରୋନା ମହାମାରୀ ପାଇଁ ବିଶେଷ କରି ଗରିବ, ଖଟିଖିଆ ଓ ମଧ୍ୟବିତ୍ତ ବେଶ ପ୍ରଭାବିତ ହୋଇଛନ୍ତି । ଫଳରେ ସେମାନେ ଆର୍ଥିକ ସଙ୍କଟ ଦେଇ ଗତି କରିଛନ୍ତି । ଏନେଇ ସେମାନଙ୍କ ପରିସ୍ଥିତିରେ ସୁଧାର ଆଣିବା ପାଇଁ ଯୋଗୀ ସରାକାରଙ୍କୁ 11ଟି ପରାମର୍ଶ ଦେଇଛନ୍ତି ।
ବେସରକାରୀ ବିଦ୍ୟାଳୟଗୁଡ଼ିକ ଦେୟ ଛାଡ଼ ଘୋଷଣା କରାଯିବା ସହିତ ଲୋନ ଉପରେ ସୁଧହାର ଶୂନକୁ ହ୍ରାସ କରାଯିବା ଉଚିତ । ଚାରି ମାସର ପାଣି ଓ ଘରୋଇ ବିଦ୍ୟୁତ୍ ବିଲ୍ ଛାଡ କରାଯିବା ସହ ସେମାନଙ୍କର ବକେୟା ବିଦ୍ୟୁତ୍ ବିଲ୍ ଉପରେ ଜରିମାନା ମଧ୍ୟ ଛାଡ କରାଯିବା ଉଚିତ୍ ବୋଲି ପ୍ରିୟଙ୍କା ପରାମର୍ଶ ଦେଇଛନ୍ତି । କୃଷକଙ୍କ ଲୋନ ଉପରେ 4 ମାସରେ ସୁଧ ଛାଡ କରିବା, ପୁରା ଫସଲ କିଣିବା ପାଇଁ କୃଷକମାନଙ୍କୁ ନିଶ୍ଚିତ କରାଯିବା । କୋରୋନା ସମୟରେ ଶିଖ୍ ମିତ୍ର, ଆଶା ଓ ଅଙ୍ଗନୱାଡି କର୍ମୀଙ୍କ ନିସ୍ବାର୍ଥପର ସେବା ପାଇଁ ସେମାନଙ୍କୁ ପ୍ରୋତ୍ସାହନ କି ବୋନସ୍ ଭାବରେ ଏକ ମାସ ଦରମା ପ୍ରଦାନ କରାଯିବା ଉଚିତ ବୋଲି ସେ କହିଛନ୍ତି ।