ଔରଙ୍ଗାବାଦ: ମହାରାଷ୍ଟ୍ରର ଘରୋଇ ହସ୍ପିଟାଲ କୋରୋନା ସଂକ୍ରମିତଙ୍କ ଠାରୁ ମୋଟା ଅଙ୍କର ଫି' ଆଦାୟ କରୁଥିବା ଅଭିଯୋଗ ଆଣିଛନ୍ତି ବିଜେପି ନେତା । ଏହି ମାମଲାରେ ରାଜ୍ୟ ସରକାର ହସ୍ତକ୍ଷେପ କରିବାକୁ ଦାବି କରିଛନ୍ତି ମହାରାଷ୍ଟ୍ର ବିଧାନ ପରିଷଦର ବିରୋଧୀ ଦଳ ନେତା ପ୍ରବୀଣ ଦାରେକର ।
ବିଜେପି ନେତା ରବିବାର କହିଛନ୍ତି ଯେ, ମହାତ୍ମା ଜ୍ୟୋତିବା ଫୁଲେ ଜନ ଆରୋଗ୍ୟ ଯୋଜନାରେ ରାଜ୍ୟ ସରକାର କୋଭିଡ -19 ଚିକିତ୍ସାକୁ ଅନ୍ତର୍ଭୁକ୍ତ କରିଛନ୍ତି । ତଥାପି ଘରୋଇ ହସ୍ପିଟାଲଗୁଡ଼ିକ ଆକ୍ରାନ୍ତଙ୍କ ଠାରୁ ହଜାର ଏବଂ ଲକ୍ଷାଧିକ ଟଙ୍କା ଆଦାୟ କରୁଛନ୍ତି । ଏପରିକି ଏସବୁ ହସ୍ପିଟାଲ ଗୁଡ଼ିକରେ ସରକାରଙ୍କ କୌଣସି ଭୟ ଦେଖିବାକୁ ମିଳୁନାହିଁ । ତେଣୁ ରାଜ୍ୟ ସରକାର ଏହି ମାମଲାରେ ହସ୍ତକ୍ଷେପ କରିବା ଉଚିତ ଏବଂ ରୋଗୀଙ୍କ ଠାରୁ ନିଆଯାଇଥିବା ଅର୍ଥ ଫେରସ୍ତ କରିବା ଉଚିତ । ଯଦି ଆବଶ୍ୟକତା ପଡେ ତେବେ ଆମେ ଏହାକୁ ବିରୋଧ କରିବୁ ।