ନୂଆଦିଲ୍ଲୀ: ସରିଛି ସଂସଦ ଅଧିବେଶନ । ଏବେ ବିଦେଶ ମୁହାଁ ମନ୍ତ୍ରିମଣ୍ଡଳର ସଦସ୍ୟ ଓ ପ୍ରଧାନମନ୍ତ୍ରୀ । ଏଥିପାଇଁ ଦୁଇଦିନିଆ ଭୁଟାନ ଗସ୍ତରେ ଯିବେ ପ୍ରଧାନମନ୍ତ୍ରୀ । ଆସନ୍ତା ମାସରେ ମୋଦି ଭୁଟାନ ଗସ୍ତ କରିବେ ବୋଲି ସରକାରୀ ସୂତ୍ରରୁ ଖବର ମିଳିଛି । ଅନ୍ୟପଟେ ବୈଦେଶିକ ମନ୍ତ୍ରୀ ଏସ ଜୟଶଙ୍କର ଅଗଷ୍ଟ ମାସ ଆରମ୍ଭରୁ ଚୀନ ଯିବେ ବୋଲି ସୂଚନା ମିଳିଛି ।
ମୋଦିଙ୍କ ଭୁଟାନ ଗସ୍ତ ସମୟରେ ପଡୋଶୀ ରାଷ୍ଟ୍ର ମଧ୍ୟରେ ସମ୍ପର୍କ ଉପରେ ବିଶେଷ ଗୁରୁତ୍ବ ଦିଆଯିବ । ଏହାସହ ଦୁଇ ଦେଶ ମଧ୍ୟରେ ଏକ ଅନନ୍ୟ, ରାଜନୈତିକ ସମ୍ପର୍କ, ବିଶ୍ବାସ, ଭଲପାଇବା ଓ ଆପୋଷ ବୁଝାମଣା ମାଧ୍ୟମରେ ଭାବର ଆଦାନ ପ୍ରଦାନ କରାଯିବ ।