ନୂଆଦିଲ୍ଲୀ: ନିଜ ଜନ୍ମ ଦିନରେ ବ୍ୟସ୍ତ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋସିଆଲ ମିଡିଆରେ ସକ୍ରିୟ ଥଲେ । ମଙ୍ଗଳବାର ନିଜର ବ୍ୟସ୍ତବହୁଳ କାର୍ଯ୍ୟକ୍ରମରୁ କିଛି ସମୟ ବ୍ୟବହାର କରି ପ୍ରଧାନମନ୍ତ୍ରୀ ମୋଦି ପାଖାପାଖି 100ଟି ଟ୍ୱିଟ କରିଛନ୍ତି।
ସେପ୍ଟେମ୍ବର 16 ରାତିରୁ ଟ୍ୱିଟର ଯୋଗେ ପ୍ରଧାନମନ୍ତ୍ରୀଙ୍କ ପାଖକୁ ଘନ ଘନ ଜନ୍ମଦିନର ଶୁଭେଚ୍ଛା ଆସୁଥିଲା । ତା’ ପରଦିନ ସକାଳେ ଟ୍ୱିଟରରେ ଅନେକ ହ୍ୟାସ୍ଟ୍ୟାଗ(#) ମୋଦିଙ୍କ ନାମରେ ଟ୍ରେଣ୍ଡ କରୁଥିବା ଦେଖିବାକୁ ମିଳିଥିଲା । କିଛି ସମୟ ମଧ୍ୟରେ ଟ୍ୱିଟରର ଟପ 10ଟିରୁ 7ଟି ଟ୍ରେଣ୍ଡ ମୋଦିଙ୍କ ନାମରେ ଥିଲା । ଟ୍ୱିଟର ବ୍ୟତିତ ଫେସବୁକ ଓ ଇନଷ୍ଟାଗ୍ରାମରେ ମଧ୍ୟ ମୋଦିଙ୍କୁ ଜନ୍ମଦିନର ଶୁଭେଚ୍ଛା ମିଳିଥିଲା।