ନୂଆଦିଲ୍ଲୀ: ଦୀପାବଳିର ଦିନକ ପୂର୍ବରୁ ରାଷ୍ଟ୍ରପତିଙ୍କ ଶୁଭେଚ୍ଛା । ରାଷ୍ଟ୍ରପତି ରାମନାଥ କୋବିନ୍ଦ ଶୁକ୍ରବାର ଦେଶବାସୀଙ୍କୁ ଆଲୋକର ପର୍ବ ଦିପାବଳୀ ପାଇଁ ଶୁଭେଚ୍ଛା ଜଣାଇଛନ୍ତି ।
ଶୁଭେଚ୍ଛା ବାର୍ତ୍ତାରେ ରାଷ୍ଟ୍ରପତି ଦେଶର ବିବିଧ ସଂସ୍କୃତି ଏବଂ ପରମ୍ପରାକୁ ମନେପକାଇଛନ୍ତି । ସମାଜର ପ୍ରତିଟି ବ୍ୟକ୍ତି କିପରି ଆନନ୍ଦ ଏବଂ ଉଲ୍ଲାସର ସହିତ ଦୀପାବଳି ପାଳନ କରିଥାନ୍ତି ତାକୁ ସ୍ମୃତିଚାରଣ କରିଛନ୍ତି ରାଷ୍ଟ୍ରପତି । ଏହି ପର୍ବରେ ସବୁ ବର୍ଗର ଲୋକଙ୍କ ସହଯୋଗ ଏବଂ ଭାତୃତ୍ବ ଭାବକୁ ଭାରତୀୟ ସମାଜର ଅଦ୍ଭୂତପୂର୍ବ ମହାନତା ବୋଲି କହିଛନ୍ତି ରାଷ୍ଟ୍ରପତି ।