ନୂଆଦିଲ୍ଲୀ: ପୁଣି ଥରେ ନାଥୁରାମ ଗଡସେଙ୍କୁ ଦେଶଭକ୍ତ କହିଛନ୍ତି ବିଜେପିର ଭୋପାଳ ସାଂସଦ ସାଧ୍ବୀ ପ୍ରଜ୍ଞା ଠାକୁର । ଗଣତନ୍ତ୍ରର ମନ୍ଦିର ସଂସଦରେ ସେ ଜାତିର ପିତା ମହାତ୍ମାଗାନ୍ଧୀଙ୍କ ହତ୍ୟାକାରୀଙ୍କୁ ‘ଦେଶଭକ୍ତ’ କହିଛନ୍ତି । ଲୋକସଭାରେ ତାଙ୍କର ଏହି ବୟାନ ପରେ ବିପକ୍ଷ କଡା ବିରୋଧ କରାବା ସହ ଗୃହରେ ହଟ୍ଟଗୋଳ କରିଛନ୍ତି ।
ଭିଡିଓ ସୌଜନ୍ୟ: ଏଏନଆଇ
ଉଲ୍ଲୋଖ ଯୋଗ୍ୟ ଯେ, ବୁଧବାର ଲୋକସଭାରେ ‘ଏସପିଜି’ ସଂଶୋଧନ ବିଧେୟକ ଉପରେ ଚର୍ଚ୍ଚା ସମୟରେ ସାସଂଦ ଏ. ରାଜା ନକାରାତ୍ମକ ମାନସିକତା ନେଇ ଗଡସେଙ୍କ ଉଦାହରଣ ଉପସ୍ଥାପନ କରିଥିଲେ । ଏହାକୁ ବିରୋଧ କରି ସାଂସଦ ପ୍ରଜ୍ଞା ଠାକୁର ଛିଡା ହୋଇ ଦେଶଭକ୍ତଙ୍କ ଉଦାହରଣ ନଦେବା ପାଇଁ ତାଗିଦ୍ କରିଥିଲେ । ଏହାପରେ କଂଗ୍ରେସ ସାଂସଦ ଏହାକୁ ଜୋରଦାର ବିରୋଧ କରିଥିଲେ ।