ନୂଆଦିଲ୍ଲୀ: ଜାତୀୟ ମହିଳା କମିଶନ(NCW) ପକ୍ଷରୁ ଦିଲ୍ଲୀରେ ଏକ ‘POWER WALK’ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଏହା ଲିଙ୍ଗଗତ ସମାନତା ଓ ମହିଳାଙ୍କ ସହ ହେଉଥିବା ଅପରାଧକୁ ନେଇ ଏକ ସଚେତନତା ଯାତ୍ରା ।
ମହିଳାଙ୍କ ସୁରକ୍ଷା ପାଇଁ ଦିଲ୍ଲୀରେ ‘Power Walk’
ଏନସିଡବ୍ଲ୍ୟୁର ମୁଖ୍ୟ ରେଖା ଶର୍ମାଙ୍କ ଆହ୍ବାନରେ ଏହି ଯାତ୍ରା କରାଯାଇଥିଲା । ଇଣ୍ଡିଆଗେଟରୁ ଜନପଥ ଯାଏଁ ଏହି ଯାତ୍ରାର ଆୟୋଜନ ହୋଇଥିଲା । ଏଥିରେ ଶହ ଶହ ମହିଳା ଯୋଗ ଦେଇଥିଲେ । ଏହାସହ ଏକ ଷ୍ଟ୍ରିଟ୍ ପ୍ଲେ ମଧ୍ୟ ଆୟୋଜିତ କରାଯାଇଥିଲା । ଦିଲ୍ଲୀ ବିଶ୍ବବିଦ୍ୟାଳୟର ଛାତ୍ରଛାତ୍ରୀ ଏଥିରେ ଭାଗ ନେଇଥିଲେ । ହାତରେ ପ୍ଲା କାର୍ଡ ଧରି ମହିଳାଙ୍କ ସମାନତାକୁ ନେଇ ନାରା ଲଗାଇଥିଲେ ।
ରାତି ହେଉ କି ଦିନ ସବୁ ସ୍ଥାନରେ ମହିଳା ନିଜ ଅଧିକାର ସାବ୍ୟସ୍ତ କରିପାରିବେ । ଏମିତି ଏକ ପରିବେଶ ସୃଷ୍ଟି ହେବା ଜରୁରୀ ଯେଉଁଠି ଜଣେ ମହିଳା ନିଜକୁ ସୁରକ୍ଷିତ ଭାବିବ ବୋଲି ରେଖା ଶର୍ମା କହିଛନ୍ତି ।