ନୂଆଦିଲ୍ଲୀ: ବାୟୁ ପ୍ରଦୂଷଣ କୋରୋନା ଭାଇରସ ସଂକ୍ରମଣକୁ ବୃଦ୍ଧି କରିବା ସହ ସ୍ଥିତିକୁ ଆହୁରି ସଙ୍ଗୀନ କରିପାରେ ବୋଲି ବିଶେଷଜ୍ଞ ମତପ୍ରକାଶ କରିଛନ୍ତି । ଏଥିସହ ଏକ ଟେତାବନୀ ସ୍ବରୁପ ଯେଉଁମାନେ ପୂର୍ବରୁ ଏହି ଭାଇରସର ସଂକ୍ରମିତ ହୋଇସାରିଛନ୍ତି ସେମାନେ ଆଗକୁ ଏକ ନୂଆ ଚ୍ୟାଲେଞ୍ଜର ସମ୍ମୁଖୀନ ହେବେ ବୋଲି ବିଶେଷଜ୍ଞ କହିଛନ୍ତି ।
ଆଉ କିଛି ଦିନ ପରେ ଶୀତ ଋତୁ ଆସିବାକୁ ଯାଉଛି । ଏହାରି ମଧ୍ୟରେ ଦିଲ୍ଲୀ-ଏନସିଆରରେ ଦିନକୁ ଦିନ ଏକ୍ୟୁଆଇ ଖରାପ ସ୍ତରରେ ରହୁଛି । ଡାକ୍ତରଙ୍କ କହିବାନୁସାରେ, ପ୍ରଦୂଷଣ ସ୍ତରରେ ଭାଇରାଲ୍ ଇନଫ୍ଲୁଏନଜା ଭଳି ଶ୍ବାସକ୍ରିୟା ଜନିତ ରୋଗ ବୃଦ୍ଧି ପାଇଥାଏ । କାରଣ ଖରାପ ବାୟୁ ଗୁଣବତ୍ତା ଫୁସଫୁସରେ ଜ୍ୱର ସୃଷ୍ଟି କରେ । ଯାହାଦ୍ବାରା ଶରୀର ମଧ୍ୟକୁ ଭୂତାଣୁ ପ୍ରବେଶ ସହଜ ହୋଇଥାଏ ।
ଚଳିତ ବର୍ଷ ଆମେ କୋରୋନା ମହାମାରୀର ସାମ୍ନା କରୁଛେ । ଏଣୁ ସାଧାରଣ ଥଣ୍ଡା ପରି ପ୍ରଦୂଷଣ ସ୍ତରର ଏହାର ସଂକ୍ରମଣ ମଧ୍ୟ ବୃଦ୍ଧି ପାଇବ ବୋଲି ଆଶା କରାଯାଉଛି। ଟେଷ୍ଟିଙ୍ଗ ସେଣ୍ଟରଗୁଡିକ ପାଇଁ ଏହା ଏକ ଟିକସ ସମୟ ହେବ । କାରଣ ସେମାନଙ୍କୁ କୋରୋନା ରୋଗୀ ଏବଂ ସମାନ ଲକ୍ଷଣ ଥିବା ଅଣ-କୋରୋନା ରୋଗୀଙ୍କୁ ଟେଷ୍ଟିଂ କରିବାକୁ ପଡିବ ବୋଲି ଏମ୍ସ ଚିକିତ୍ସା ବିଭାଗର ସହଯୋଗୀ ପ୍ରଫେସର ଡ. ନୀରଜ ନିଶ୍ଚଲ କହିଛନ୍ତି।
ଅନ୍ୟପକ୍ଷରେ ବିଶେଷଜ୍ଞଙ୍କ କହିବା ଅନୁଯାୟୀ, ମାସ୍କର ସୁବିଧା ନଥିବା ପାଇପାରୁନଥିବା ନିମ୍ନ ସାମାଜିକ-ଅର୍ଥନୈତିକ ଶ୍ରେଣୀର ଲୋକମାନେ ଅଧିକ ପ୍ରଭାବିତ ହେବେ । ଏଥିସହ ସେମାନେ ଚୁଲା ଧୂଆଁ ପରି ଅତିରିକ୍ତ ବିପଦ କାରଣଗୁଡିକ ପାଇଁ ମଧ୍ୟ ଅସୁରକ୍ଷିତ ହେବେ ।
ଅନ୍ୟ ଭାଇରାଲ୍ ଶ୍ବାସକ୍ରିୟା ରୋଗ ପରି କୋରାନା ମଧ୍ୟ ପ୍ରଦୂଷଣ ଯୋଗୁ ଅଧିକ ବ୍ୟାପିବାର ଆଶଙ୍କା ଅଛି । ଏଥିପାଇଁ ମେଡିକାଲ ଗୁଡିକ ଉପରେ ଅଧିକ ପ୍ରଭାବ ପଡିପାରେ । କାରଣ ଏହି ସମୟରେ ଅଧିକ ରୋଗୀ ଲକ୍ଷଣଗ୍ରସ୍ତ ହୋଇ ମେଡିକାଲରେ ଭର୍ତ୍ତି ହେବେ ବୋଲି ଡ. ନିଶ୍ଚଲ କହିଛନ୍ତି ।
