ଲକଡାଉନ ପ୍ରଭାବ: ଦିଲ୍ଲୀରେ ହ୍ରାସ ପାଉଛି ପ୍ରଦୂଷଣ ସ୍ତର

ସ୍ବଚ୍ଛ ହେଉଛି ଦିଲ୍ଲୀ ବାୟୂ । ଶାନ୍ତିରେ ନିଃଶ୍ବାସ ନେଉଛନ୍ତି ରାଜଧାନୀବାସୀ । ଯଦି ଏପରି ପରିସ୍ଥିତି ରୁହେ ତେବେ ଆଗକୁ ବାୟୂର ମାତ୍ରାରେ ଆହୁରି ପରିବର୍ତ୍ତନ ଘଟିବା ନେଇ ଆଶା । ଅଧିକ ପଢନ୍ତୁ...

ନୂଆଦିଲ୍ଲୀ: ଦିଲ୍ଲୀରେ ଲକଡାଉନ ହେବାର 38 ଦିନ ବିତିଗଲାଣି। ଯେଉଁଥିପାଇଁ ଲୋକମାନେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି । ହେଲେ ଦିଲ୍ଲୀରେ ଅନେକ ପିଜିଟିଭ ଫଳାଫଳ ମଧ୍ୟ ଦେଖିବାକୁ ମିଳିଛି । ମୁଖ୍ୟତଃ ଦିଲ୍ଲୀରେ ପ୍ରଦୂଷଣର ମାତ୍ରା ହ୍ରାସ ପାଇଛି ।

ଦିଲ୍ଲୀରେ ଲକଡାଉନ ପରଠାରୁ ପ୍ରଦୂଷଣ ସ୍ତରରେ କ୍ରମାଗତ ଉନ୍ନତି ଘଟିଛି ଏବଂ ଗତ କିଛି ଦିନ ହେବ ଦିଲ୍ଲୀର ପ୍ରଦୂଷଣ ସ୍ତର ସନ୍ତୋଷଜନକ ରହିଛି। ଆଗକୁ ଯଦି ଏପରି ପରିସ୍ଥିତି ରୁହେ ତେବେ ଆହୁରି ଉନ୍ନତି ହେବ ବୋଲି ପ୍ରକାଶ ପାଇଛି । ଗତ କିଛି ଦିନ ଧରି ଦିଲ୍ଲୀର ପ୍ରଦୂଷଣ ସ୍ତର କ୍ରମାଗତ ଭାବରେ ସନ୍ତୋଷଜନକ ଥିଲା ଏବଂ ମଙ୍ଗଳବାର ଦିଲ୍ଲୀର ଏୟାର କ୍ୱାଲିଟି ଇଣ୍ଡେକ୍ସ 71 ରେକର୍ଡ କରାଯାଇଛି ଯାହା ସନ୍ତୋଷଜନକ ଶ୍ରେଣୀରେ ଅଛି ।

ପ୍ରଦୂଷଣର ମାତ୍ରା ହ୍ରାସ ପାଇବା ନେଇ କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ସହ ଜଡିତ ଅଧିକାରୀମାନେ କହିଛନ୍ତି ଯେ, ଆସନ୍ତାକାଲି(ବୁଧବାର) ଦିଲ୍ଲୀ ତଥା ଏହାର ଆଖପାଖରେ କାରଖାନା ବନ୍ଦ ରହିଛି । ଯେଉଁଥିରୁ ବାହାରୁଥିବା ଧୂଆଁ ବାୟୁକୁ ପ୍ରଦୂଷିତ କରେ ନାହିଁ । ଏହା ସହ ରାସ୍ତାରେ ଯାନବାହନ ସଂଖ୍ୟା ମଧ୍ୟ ହ୍ରାସ ପାଇଛି । ଯେଉଁଥିପାଇଁ ଏହି ସ୍ତରରେ ଉନ୍ନତି ହୋଇଛି । ଅଧିକାରୀମାନେ ମଧ୍ୟ ଆଶା କରିଥିଲେ ଯେ, କିଛି ସମୟ ପାଇଁ ପ୍ରଦୂଷଣର ସ୍ତର ସନ୍ତୋଷଜନକ ଅବସ୍ଥାରେ ରହିବ ।