ତିରୁଅନନ୍ତପୁରମ୍: କେରଳରେ ମହାଗଠବନ୍ଧନର ଦୁଇ ପ୍ରମୁଖ ଅଂଶୀଦାର ଦଳଙ୍କ ମଧ୍ୟରେ ଦେଖିବାକୁ ମିଳିଛି ରକ୍ତାକ୍ତ ସଂଘର୍ଷ । ତୃତୀୟ ପର୍ଯ୍ୟାୟ ମତଦାନ ପୂର୍ବରୁ ରାଜ୍ୟର କୋଲାମ ସଂସଦୀୟ କ୍ଷେତ୍ରରେ ଦେଖିବାକୁ ମିଳିଛି ନିର୍ବାଚନ ହିଂସା । ଏହି ଲୋକସଭା ନିର୍ବାଚନମଣ୍ଡଳୀ ଅଧିନସ୍ଥ ପୋୟାପାଲ୍ଲୀ ଠାରେ ପରସ୍ପରକୁ ଆକ୍ରମଣ କରିଛନ୍ତି ବାମଦଳ ଏବଂ କଂଗ୍ରେସ ସମର୍ଥକ।
କୋଲାମ ସଂସଦୀୟ କ୍ଷେତ୍ର ପାଇଁ ଆସନ୍ତାକାଲି 23 ତାରିଖ ତୃତୀୟ ପର୍ଯ୍ୟାୟରେ ମତଦାନ ଅନୁଷ୍ଠିତ ହେବାକୁ ଯାଉଛି । ଗତ ରବିବାର 21 ତାରିଖ ଥିଲା ପ୍ରଚାରର ଶେଷ ଦିନ । ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର ଚାଲିଥିବା ସମୟରେ ବାମମେଣ୍ଟ ଏବଂ କଂଗ୍ରେସ ନେତୃତ୍ବାଧିନ ମେଣ୍ଟର ସମର୍ଥକଙ୍କ ମଧ୍ୟରେ ମୁହାମୁହିଁ ହୋଇଥିଲା।
ଭିଡିଓ ସୌଜନ୍ୟ: ଟ୍ୱିଟର@ANI