ଭୋପାଳ: ହତ୍ୟା ସନ୍ଦେହରେ ଅର୍ଦ୍ଧଦଗ୍ଧ ମୃତଦେହକୁ ଚିତାରୁ ଉଠାଇ ନେଲା ପୋଲିସ । ପତ୍ନୀ ଆଣିଥିଲେ ହତ୍ୟାର ଅଭିଯୋଗ । ପୋଲିସ ତରଫରୁ ମିଳିଥିବା ସୂଚନା ଅନୁଯାୟୀ, ମଧ୍ୟ ପ୍ରଦେଶ, ରାଜଗଡ଼ର ଖୋୟରୀ ରୋଡ଼ରେ ରହୁଥିବା 25 ବର୍ଷିୟ ନାନୁରାମ ତନୱରଙ୍କ ମୃତ୍ୟୁ ପରେ ତାଙ୍କ ପରିବାର ସୋମବାର ଅନ୍ତିମ ସଂସ୍କାର ପାଇଁ ଶ୍ମଶାନ ପହଞ୍ଚିଥିଲେ । ସେପଟେ ଏକ ମାସ ଧରି ବାପ ଘରେ ରହୁଥିବା ମୃତକଙ୍କ ପତ୍ନୀ ରେଖା ବାଇ ସ୍ବାମୀଙ୍କ ମୃତ୍ୟୁକୁ ହତ୍ୟା ବୋଲି ଅଭିଯୋଗ କରିଥିଲେ।
ହତ୍ୟା ସନ୍ଦେହରେ ଅଧାଜଳା ମୃତ ଦେହକୁ ଚିତାରୁ ଉଠାଇ ନେଲା ପୋଲିସ
ଅଭିଯୋଗର କିଛି ସମୟ ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିଲେ ଏବଂ ପରେ ମୃତଦେହକୁ ପୁନର୍ବାର ତାଙ୍କ ପରିବାର ସଦସ୍ୟଙ୍କୁ ହସ୍ତାନ୍ତର କରାଯାଇଥିଲା। ତେବେ ଅସୁସ୍ଥତା ହେତୁ ନାନୁରାମ ମୃତ୍ୟୁ ବରଣ କରିଥିବା ବେଳେ ଆଜି ତାଙ୍କର ଶେଷ ରୀତିନୀତି କରାଯାଉଥିବା ପରିବାର ପକ୍ଷରୁ ସୂଚନା ମିଳିଛି।