ପାଟନା: ସର୍ଭିସ ବନ୍ଧୁକରେ ନିଜକୁ ଗୁଳି କରି ଆତ୍ମହତ୍ୟା କଲେ ପୋଲିସ ଅଧିକାରୀ। ବିହାର ରୋହତାସ ଜିଲ୍ଲା ସୂର୍ଯ୍ୟପୁରା ଥାନା ଅଞ୍ଚଳର ପାବରା ଗାଁରେ ଏଭଳି ଏକ ଘଟଣା ଦେଖିବାକୁ ମିଳିଛି। ଔରଙ୍ଗାବାଦ ଜିଲ୍ଲା ଆମ୍ବା ଥାନାରେ ଜିତେନ୍ଦ୍ର କୁମାର ସିଂହ ପୋଲିସ ଅଧିକାରୀ ଦାୟିତ୍ବରେ ରହିଥିଲେ।
ସୂଚନା ଅନୁଯାୟୀ ଆଜି(ରବିବାର) ସକାଳ 10ଟା ବେଳେ ପୋଲିସ ଅଧିକାରୀ ଜଣକ ଆତ୍ମହତ୍ୟା କରିଥିବା ସୂଚନା ମିଳିଛି। ଘରେ ସମ୍ପର୍କୀୟଙ୍କ ବାହାଘର ରହିଥିଲା। ତେବେ ଏହାକୁ ନେଇ ପୋଲିସ ଅଧିକାରୀଙ୍କୁ ତାଙ୍କ ଉପରିସ୍ଥ ଅଧିକାରୀ ଛୁଟି ଦେଉନଥିବା ଅଭିଯୋଗ ହୋଇଛି। ଏହାସହ ତାଙ୍କ ଉପରେ ଜାଣିଶୁଣି ଅଧିକା କାର୍ଯ୍ୟଭାର ଦିଆଯାଉଥିଲା। ଏଥିପାଇଁ ଦୀର୍ଘଦିନ ହେଲେ ସେ ମାନସିକ ଦୁଶ୍ଚିନ୍ତାରେ ରହିଥିଲେ। ସେ ବହୁ ଦିନ ହେବ ଘରକୁ ମଧ୍ୟ ଆସି ପାରିନଥିଲେ।